Antropologi budaya

Antropologi budaya marupakan cikang utama dalam antropologi nang maanyaki kabudayaan sacara umum wan bamacam budaya di dunia. Ilmu ngini baihtiar mamahami kayapa manusia kawa baisi budaya wan mangambangakan budayanya salawas zaman; kayapa manusia lawan akalnya, mangambangakan struktur bapikir lawan balajar matan barbagai pangalaman nang dilingkangi, sarta bakulihan maubah lingkungan alam sakitar malalui suatu paubahan badirit nang ada salawas hidup.^[1]

Kajian nang jadi fokus parhatian dalam antropologi budaya adalah raraitan bulang bulik antara manusia wan budaya di sabuting wayah wan ruang tartantu. Dalam hal ngini, budaya dijanaki sawagai kulihan akal manusia salajur sarana nang satu-satunya nang mamungkinakan manusia kawa gasan hidup. Lawan kata nang lain, antropologi budaya mamfokusakan parhatiannya lawan budaya manusia atawa cara hidup manusia dalam masarakat.^[1]

Bidang kajian

Manurut Haviland (1999), antropologi budaya tapacah jadi tiga bidang kajian, yakni arkeologi, antropologi linguistik, dan etnologi. Dalam parkambangannya, jumlah bidang kajian antropologi budaya ngini batambah pulang maragak dikambangakan ulih bubuhan ilmuwan nang lain. Walau baisi ampah nang sacara kusus tapisah antara sabuting lawan nang lainnya, tagal samunyaan bidang kajian antropologi budaya kawa dipakai ulih antropologi gasan mamahami sarta maanalisis data nang kawa manggambarakan hiwal budaya manusia nang balain di barbagai tempat, wan kayapa manusia kawa mamajuakan budayanya.^[1]

Arkeologi

Artikal utama: Arkeologi

Arkeologi marupakan cikang ilmu antropologi budaya nang maanyaki banda-banda paninggalan manusia gasan manjalasakan kayapa suatu kalumpuk manusia bagawian di wayah bahari, sarta banda paninggalan nang kawa mambangun atawa malihatakan kayapa kahidupan manusia wan budaya di wayah bahari ngitu, sakira kira kawa manyambungakan lawan kahidupan di wayah wahini wan satarusnya. Maanyaki arkeologi, nang kaya Piramida di Mesir, Candi Borobudur di Indunisia, Taj Mahal di India, wan sawagainya.^[1]

Antropologi Linguistik

Artikal utama: Antropologi linguistik

Antropologi linguistik maanyaki kayapa asal muasal basa nang dipakai ulih manusia, baik sacara pandiran atawa tulisan. Sajarah parkambangan suatu basa hingga maranakakan cikang hanya wan saling mamangaruhi antara satu basa lawan basa lain maranakan basa nang sarumpun. Struktur kata nang diulah manusia takait lawan kaadaan empiris lingkungan alam sakuliling kata ngitu. Maraga, manusia taumpat dalam maulah banda-banda sahingga diparluakan pangaranan kata gasan manyamani pamakaiannya.^[1]

Duranti (1997) maartiakan antropologi linguistik marupakan studi nang maanyaki basa sawagai sumber budaya wan pandiran sawagai praktik budaya. Matan pangartian ngini kawa disimpulakan bahwa antropologi basipat lintas disiplin nang basandar wan maligarakan mitudi-mitudi nang hudah mapan dalam disiplin lainnya, yaitu antropologi wan kaji basa. Ngini batujuan gasan mamahami baragam aspek basa, sawagai rangkaian praktik budaya. Dalam hal ngini, praktik budaya dipahami sawagai sistem pamandiran nang mamungkinakan prusis paulahan makna (representasi) nang ada di bubuhan urang di dalam masarakat wan dalam di saikung urang takait tatanan susial. Representasi ngitu manulungi buhannya mamahami sarta mambantuk tindakan-tindakan susial.^[1]

Etnologi

Artikal utama: Etnologi

Etnologi marupakan cikang ilmu antropologi nang maanyaki budaya dalam kahidupan masarakat bangsa-bangsa tartantu nang tabantar di muka bumi pas wayah ngini. Etnologi mangkaji pola-pola tingkah laku, nang kaya adat istiadat, bakawinan, struktur kulawarga, sistim pulitik, ikunumi, ugama, kisah rakyat, kesenian, wan musik. Etnologi diparluakan dalam kaji masarakat maraga bahubungan lawan tradisi-tradisi nang bakambang di suatu bangsa. Maraga ngitu jua, etnologi rancak jua disambat susial antropologi.^[1]

Balain lawan arkeologi nang fokus maanyaki budaya wan banda-banda paninggalan manusia zaman bahari, etnologi fokus kajiannya ka budaya wahini nang haratan dijalani ulih masarakatnya, labih khusus ka tindakan saban hari baik sawagai saikung urang atawa kalumpuk, sabagaimana nang kawa diitihi, dialami, ditakuni, wan didiskusiakan lawan masarakat si ampun budaya.^[1]

Jujuhutan

^ ^a ^b ^c ^d ^e ^f ^g ^h Diandra, Dessy (2021). Pengantar Antropologi Sebuah Ikhtisar Mempelajari Manusia dan Kehidupannya. Yogyakarta: DIVA Press. hlm. 13–17. ISBN 978-623-293-290-6.

[:0-1] ^ ^a ^b ^c ^d ^e ^f ^g ^h Diandra, Dessy (2021). Pengantar Antropologi Sebuah Ikhtisar Mempelajari Manusia dan Kehidupannya. Yogyakarta: DIVA Press. hlm. 13–17. ISBN 978-623-293-290-6.

[1]