Ikunumi

Ikunumi palajaran pardagangan, kaputusan pruduksi wan kunsumsi kaya nang tajadi di pasar tradisiunal.

Ikunumi marupakan ilmu susial nang mampalajari aktipitas manusia nang bahubungan lawan pruduksi, distribusi, wan kunsumsi tahadap barang wan jasa. Istilah "ikunumi" saurang baasal matan Bahasa Yunani, yaitu οἶκος (oikos) nang baarti "kaluarga, rumah tangga" wan νόμος (nomos) nang baarti "paraturan, aturan, hukum". Sacara garis ganalnya, ikunumi diartikan sabagai "aturan rumah tangga" atawa "manajamin rumah tangga". Amun nang dimaksud lawan ahli ikunumi atawa ikunum adalah urang nang mamakai kunsip ikunumi wan data dalam bagawi.

Manusia sabagai makhlus susial wan ikunimi

Manusia sabagai makluk susial wan makluk ikunumi nintu salalu mahadapi masalah ikunumi. Intinya nang dihadapi manusia adalah kanyataan bahwa kaparluan manusia jumlahnya kada tabatas, amun alat pamuas kabutuhan manusia jumlahnya tabatas. Babarapa paktur nang mamangaruhi sakira jumlah kaparluan sasaurang balian lawan jumlah kaparluan urang lain :

• Paktor ikunumi
• Paktor lingkungan susial budaya
• Paktor pisik
• Paktor pandidikan
• Paktor adab

Tindakan, Mutip wan Prinsip Ikunumi

Tindakan Ikunumi

Tindakan ikunumi adalah satiap usaha manusia nang dilandasi ulih pilihan nang paling baik wan paling mauntungakan. Misalnya : Mama mamasak lawan kayu marga harga minyak tanah larang banar. Tindakan ikunumi tadiri matan dua aspik, yato :

• Tindakan ikunumi Rasiunal, satiap usaha manusia nang dilandasi ulih pilihan nang paling mauntungakan wan kanyataannya kaya nintu.
• Tindakan ikunumi Irrasiunal, satiap usaha manusia nang dilandasi ulih pilihan nang paling mauntungan tapi kanyataannya kada kkaya nintu.

Mutip Ikunumi

Mutip ikunumi adalah alasan atawa tujuan sasaurang sakira sasaurang nintu malakuakan tindakan ikunumi. Mutip ikunumi tabagi dalam dua aspik :

• Mutip intrinsik, disambat jua sabagai sabuah kahandak gasan malakuakan tindakan ikunumi atas kamauan saurang.
• Mutip ikstrinsik, disambat jua sabagai sabuah kahandak gasan malakuakan tindakan ikunumi atas tunjulan urang lain.

Dalam praktiknya ada babarapa macam mutip ikunumi :

• Mutip mamanuhi kaparluan
• Mutip mandapatakan kauntungan
• Mutip mandapatakan panghargaan
• Mutip mandapatakan kakuasaan
• Mutip susial / manulung papadaan

Prinsip Ikunumi

Prinsip ikunumi nintu adalah paduman gasan malakuakan tindakan ikunumi nang didalamnya ada asas lawan pangurbanan tartantu, didapat hasil nang maksimal. Prinsip ikunumi malakuakan pangurbanan sahalus-halusnya gasan mandapatakan hasil tartantu, atawa lawan pangurbanan tartantu gasan mandapatakan hasil samaksimalnya.