International Standard Book Number

Tumatan Wikipidia Banjar, kindai pangatahuan
Sebuah ISBN-13, 978-3-16-148410-0, menunjukkan EAN-13 barcode

International Standard Book Number, atawa ISBN (arti harpiah Basa Indunisia: Nomor Buku Standar Internasional), adalah paminanduan gasan buku-buku nang dipakai sacara kumirsial. Sistim ISBN di'ulah di Britania Raya pas tahun 1966 idabul sa'ikung padagang buku wan pakakas tulis W H Smith wan mulanya disambat Standard Book Numbering atawa SBN (dipakai hampau tahun 1974). Sistim ngini diadupsi sabagai satandar antarabangsa ISO 2108 tahun 1970. Paminanduan sarupa, International Standard Serial Number (ISSN), dipakai gasan publikasi pariudik kaya majalah.

ISBN dipakai gasan pancungulan buku. Numur ISBN kada kawa dipakai babarang haja, musti diatur ulih sabuting lambaga antarabangsa nang ba'andak di Berlin, Jerman. Gasan mandapatakannya kawa digawi lawan mahubungi pabadalan lambaga ISBN di saban nagara nang sudah ditunjuk ulih Lambaga Antarabangsa ISBN. Pabadalan lambaga antarabangsa ISBN di Indunusia adalah Perpustakaan Nasional RI pas ditunjuknya lambaga ngitu manjadi badan nasiunal ISBN gasan wilayah negara kesatuan Republik Indonesia (NKRI) pas tahun 1986. Kasapakatan ba'imbai (Memorandum of Understanding/MoU) lawan Internasional ISBN Agency wan Parpustakaan Nasiunal RI gasan urusan ISBN ditandatangani pas tanggal 31 Marit 2005.[1]

Parsyaratan[babak | babak asal-mulanya]

Panarbit nang handak maajukan parmohonan ISBN harus mamanuhi beberapa persyaratan, yaitu:

  1. Maisi formulir surat parnyataan hagan penerbit hanyar nang balum suah bagabung dalam keanggutaan ISBN;
  2. Manampaiakan bukti legalitas penerbit (akta notaris, surat keputusan, akta kesepakatan, atawa surat-surat resmi nang isinya kawa dipartanggungjawabkan;
  3. Maulah surat permohonan di atas kop surat resmi penerbit atawa badan nang batanggung jawab;
  4. Malampirakan halaman judul, halaman balik halaman judul, daftar isi, wan kata pengantar

Parmuhunan kawa disampaiakan malalui jasa pos, faksimili, email, online, atawa datang langsung ka Perpustakaan Nasional wan kada dikenaakan biaya.

ISBN tadiri matan "Sepuluh Digit Nomor" lawan urutan panulisannya adalah kudi negara-kudi penerbit-kudi buku-no identifikasi. Tagal, mulai Januari 2007 panulisan ISBN maalami parubahan maumpati pola EAN, yaitu manjadi 13 digit nomor.

Bedanya baandak pada tiga digit numur panambayan ditambah 978. Jadi, panulisan ISBN 13 digit adalah 978-kode negara-kode penerbit-kode buku-no identifikasi.

Awalan ISBN hagan negara Indonesia adalah "979" wan "602". Barikut ngini adalah cuntuh pola ISBN hagan buku-buku di Indunisia:

  • 978-979-penerbit-kode buku-no identifikasi
  • 978-602-penerbit-kode buku-no identifikasi
  • 979-979-penerbit-kode buku-no identifikasi
  • 979-602-penerbit-kode buku-no identifikasi

Catatan[babak | babak asal-mulanya]

2 Pola Akhir balum digunakan wan akan digunakan apabila prefiks 978 nangitu sudah hibak. Hal ngini barlaku hagan samunyaan negara di mana prefiks pamulaan 979 manggantiakan penempatan prefiks 978.

Referensi[babak | babak asal-mulanya]

  1. ^ lihat buku Pedoman penyelenggaraan layanan ISBN, ISMN, KDT dan barcode Perpustakaan Nasional RI, penyunting, Prita Wulandari, Ratna Gunarti, Perpustakaan Nasional RI, 2014.

Lihati jua[babak | babak asal-mulanya]

Lembaga Nasional wan Internasional