Soto Banjar
 Sapiring Soto Banjar | |
| Banua asal | Indunisia |
|---|---|
| Dairah | Kalimantan Salatan wan wadah ganaan urang Banjar nangkaya di Kalimantan Timur, Kalimantan Tangah sampai ka Tambilahan, Riau. |
| Masakan nasiunal tarait | Indunisia |
| Diulah ulih | Urang Banjar |
| Suhu panyajian | Hangat |
| Bahan utama | Katupat, ayam (bapukah atawa barabit), suun, intalu bajarang, parkadil, |
| Bahan nang umum dipakai | Bawang habang, kapulaga, cangkih, kayu manis, sahang, pala, bawang perai, daun sop, duhat, tipakan |
Soto Banjar adalah soto has suku Banjar, Kalimantan Salatan lawan bahan tatambaian ayam wan baisi bau harum rarampah kaya kayu manis, bigi pala, wan cangkih. Ada wayahnya paulahan kuah soto banjar kawa dicampurakan lawan sahikit susu nang maulah kalir kuahnya jadi kada jaranih, tagal pina karuh. Soto ngini baisi daging hayam nang sudah dibaribit, lawan tambahan parkadil, kantang bajarang,hintalu bajarang, tatakan wortel wan katupat.[1] Nang kaya soto ayam jua, bumbu soto Banjar diulah matan bawang habang, bawang putih, wan sahang, tagal kada mamakai janar. Bumbu ditumis dahulu lawan sahikit minyak lamak atawa minyak samin sampai harum sabalum dimasukakan ka dalam kuah jajarangan hayam. Imbahnya, rarampahnya diangkat sakira kada umpat masuk ka dalam mangkuk wayah disurungakan.
Panjual soto Banjar rancak jua manyurungakan sate ayam gasan kawan makan soto Banjar. Ada juwa, nasi sop nang gasan manyambat soto Banjar nang dikuahakan ka nasi bapiring.[2]
Parian
[babak | babak asal-mulanya]Soto Kuin
[babak | babak asal-mulanya]Soto Barabai
[babak | babak asal-mulanya]Jujuhutan
[babak | babak asal-mulanya]- ^ (Bahasa Indonesia) Badiatul Muclisin Asti & Laela Nurisysyafa'ah. Kumpulan Resep Masakan Tradisional dari Sabang sampai Merauke. Media Pressindo. hlm. 283. ISBN 9797880729.ISBN 978-979-788-072-9
- ^ "Makanan khas banjarmasin". Wisata Kuliner. 2013-2-18. Diarsipkan dari versi asli tanggal 2013-05-26. Diakses tanggal 2013-05-13.