Soto Banjar
 Sapiring Soto Banjar | |
| Banua asal | Indunisia |
|---|---|
| Dairah | Kalimantan Salatan wan wadah ganaan urang Banjar nangkaya di Kalimantan Timur, Kalimantan Tangah sampai ka Tambilahan, Riau. |
| Masakan nasiunal tarait | Indunisia |
| Diulah ulih | Urang Banjar |
| Suhu panyajian | Hangat |
| Bahan utama | Katupat, ayam (bapukah atawa barabit), suun, intalu bajarang, parkadil, |
| Bahan nang umum dipakai | Bawang habang, kapulaga, cangkih, kayu manis, sahang, pala, bawang perai, daun sop, duhat, tipakan |
Soto Banjar[1] ialah kulinir atawa makanan nang dikanal banar wan disambat soto has suku Banjar matan Banjarmasin, Kalimantan Salatan[2] lawan bahan tatambaian hayam nang baisi bau harum rarampah kaya kayu manis, bigi pala, wan cangkih.[3]
Soto Banjar kayanya timbul pas hudah 1563, wayah kadatangan padagang Tiungkuk ka Banjarmasin[3], nang pas ahir abat ka-16 dikanal sawagai dairah karajaan panghasil sahang wan danul matan Jalur Rarampah Nusantara. Kulinir "jao to" (panyambatan soto wayahitu) mula'i masuk ka Banjarmasin pas wayahitu jua.[2][4]
Bahan nang Dipakai wan Panyajian
[babak | babak asal-mulanya]Kaya soto hayam jua, bumbu soto Banjar diulah matan bawang habang, bawang putih, wan sahang, tagal kada mamakai janar nang kaya soto Lamongan matan Jawa Timur. Bumbu ditumis dahulu lawan sahikit minyak lamak atawa minyak samin sampai harum sabalum dimasukakan ka dalam kuah jajarangan hayam. Imbahnya, rarampahnya diangkat sakira kada umpat masuk ka dalam mangkuk wayah disurungakan.
Soto Banjar nang marupakan hidangan bakuah kaldu hayam kampung ngini diisii jua lawan rarampahan, kaya cangkih, adas, kayu manis, kambang lawang, daun salam, wan sahang.[5] Gasan karbuhidratnya, soto rancak disurungi lawan luntung atawa katupat nang diisii hintalu bajarang.[2] [sop wan sate Banjar nang siap disurungakan] Ada wayahnya paulahan kuah soto Banjar kawa dicampurakan lawan sahikit susu atawa hintalu nang maulah kalir kuahnya jadi kada jaranih, tagal pina karuh.[6] Soto ngini baisi daging hayam nang sudah dibaribit, lawan tambahan parkadil, kantang bajarang, balahan hintalu itik bajarang, tatakan wortel wan katupat.[7][8] Tadapat jua rancak mamakai mihun atawa suun sawagai palangkap dalam makanannya.
Soto Banjar rancak jadi manu sarapan atawa makan malam, tarutama di Banjarmasin wan sakitarnya. Makanan nang dijual ngini di warung-warung makan wan risturan-risturan. Panjual soto Banjar rancak jua manyurungakan sate hayam atawa hintalu masin gasan kawan makan soto Banjar supaya makannya nyaman banar. Ada jua, nasi sop nang gasan manyambat soto Banjar nang dikuahakan ka nasi bapiring.[9] Makanan sabuting ngini nyaman banar jaka dimakan pas siang ari nang panas, dikawani lawan karupuk wan is tih manis.[5]
Makanan ngini rancak disurungi jua pas acara-acara panting, kaya salamatan, kawinan, hajatan, wan upacara adat, sawagai danul matan budaya masarakat Banjar sampai wahini. Imbahnya[10], imbahnya makanan hudah banyak ditamui di barbagai dairah Indunisia.[11]
Cita rasa wan Kaunikan
[babak | babak asal-mulanya]Soto Banjar baisi kuah jaranih lawan cita rasa gurih nang diranakakan matan kaldu hayam nang dimasak lawan barbagai bumbu. Kaunikan lain ialah panambahan susu atawa santan lawan babarapa pariasi risip makanan, nang mambarii tikstur kuah labih kantal wan cita rasa nang labih creamy.[3][12]
Soto ngini rancak disurungakan lawan sairis limau nipis wan sambal gasan manambah rasa sigar wan padas. Salain ngitu, taburan bawang basanga wan daun saladri manambah aruma has nang manggugah salira gasan pamakaninya. Ada jua palangkap lain nang kada kalah panting ialah kicap manis atawa masin gasan urang nang katuju ngitu lawan makanannya, atawa nang kawa ditambahakan sasuai salira saurang.[3]
Parian
[babak | babak asal-mulanya]Parian-parian soto Banjar ngini macam-macam, di antaranya ialah:
Kagunaan Kasihatan
[babak | babak asal-mulanya]Soto Banjar baisi kagunaan gasan kasihatan nusia nang mamakaninya jaka kada balabihan, di antaranya: paulahan wan parbaikan jaringan awak, mandukung wan maningkatakan sistim kakabalan awak, mambantu malawan radikal bibas, mandukung kasihatan sacara kasamunyaan, maradakan masalah pancarnaan kaya mual wan kambung, manjaga hidrasi awak, maningkatakan mood wan rasa nyaman awak.[10]
Jujuhutan
[babak | babak asal-mulanya]- ↑ "Kalori dalam Soto Banjar dan Fakta Gizi". mobile.fatsecret.co.id. Diakses tanggal 2026-02-27.
- 1 2 3 "Sejarah dan resep Soto Banjar, mengulik kelezatan kuliner khas Kalsel". Antara News (dalam bahasa Indonesia). 2024-10-31. Diakses tanggal 2026-02-27.
- 1 2 3 4 "Soto Banjar adalah Makanan Khas Daerah Kalsel, Mengulik Sejarah dan Kelezatannya". liputan6.com (dalam bahasa Indonesia). 2025-01-07. Diakses tanggal 2026-02-27.
- ↑ "Soto Banjar, Kuliner Khas Banjarmasin Hasil Akulturasi Tionghoa". Indonesia Kaya. Diakses tanggal 2026-02-27.
- 1 2 "Syamsudinnoor International Airport | Banjarmasin". www.syamsudinnoor-airport.co.id. Diakses tanggal 2026-02-27.
- ↑ Khairunnisa, Syifa Nuri, Silvita Agmasari (2020-07-23). "Resep Soto Banjar Asli, Makanan Khas Kalimantan Selatan". KOMPAS.com (dalam bahasa Indonesia). Diakses tanggal 2026-02-27.
- ↑ (Bahasa Indonesia) Badiatul Muclisin Asti & Laela Nurisysyafa'ah. Kumpulan Resep Masakan Tradisional dari Sabang sampai Merauke. Media Pressindo. hlm. 283. ISBN 9797880729.ISBN 978-979-788-072-9
- ↑ "Makanan khas banjarmasin | Wisata Kuliner". infokuliner.org (dalam bahasa Inggris). Diarsipkan dari versi asli tanggal 2013-05-26. Diakses tanggal 2026-02-27.
- ↑ "Makanan khas banjarmasin". Wisata Kuliner. 2013-2-18. Diarsipkan dari versi asli tanggal 2013-05-26. Diakses tanggal 2013-05-13.
- 1 2 "Resep Soto Banjar Asli Kalimantan Selatan, Hidangan Istimewa Khas Kerajaan". liputan6.com (dalam bahasa Indonesia). 2025-02-12. Diakses tanggal 2026-02-27.
- ↑ "Soto Banjar". WikiPangan. Diakses tanggal 2026-02-27.
- ↑ "Resep Bumbu Soto Ayam: Rahasia Kelezatan Hidangan Tradisional Indonesia". liputan6.com (dalam bahasa Indonesia). 2025-01-17. Diakses tanggal 2026-02-27.