Soto
Soto, sroto, sauto, tauto, atau coto ialah makanan khas Indunisia nang kaya sup nang diulah matan kaldu daging wan sayuran. Daging nang paling rancak dipakai ialah daging sapi wan ayam, tagal ada jua nang mamakai daging babi atawa kambing. Banyak banar dairah di Indunisia baisi soto khas-nya masing-masing lawan campuran nang balain-lain, nang kaya soto Madura, soto Kediri, soto Pemalang, soto Lamongan, soto Jepara, soto Semarang, soto Kudus, soto Betawi, soto Padang, soto Bandung, sroto Sokaraja, soto Banjar, soto Medan, dan coto Makassar. Soto jua dibari ngaran sasuai isinya, pariannya soto ayam, soto babat, atawa soto kambing. Ada jua soto nang diulah matan daging batis sapi yang disambat lawan soto sekengkel.{{
Cara manyurungakan soto balain-lain sasuai ciri khas-nya masing-masing. Soto rancaknya disurung lawan nasi, lontong, katupat, mi, wan bihun atawa suun. Sakira tambah nyaman, soto rancaknya dicampur lawan bamacam-macam iwak, pariannya karupuk, perkedel, emping, sambal, wan sambal kacang. Ada jua nang manambahakan hintalu puyuh, sati karang, limau kuit, wan bamacam-macam sangaan (tempe, tahu, bakwan) wan koya.