Ratu Zaleha

Tumatan Wikipidia Banjar, kindai pangatahuan
Infobox orangRatu Zaleha
Riwayat
Kamatian 24 Siptimbir 1953 Edit nilai pada Wikidata (72/73 tahun (id) terjemahkan)
Alkah Alkah Pangeran Antasari Edit nilai pada Wikidata
Agama (id) Terjemahkan Islam Edit nilai pada Wikidata
Ubah data ini di Wikidata

Ratu Zaleha/Djaleha (diranakakan: Muara Lawung, 1880[1]; habis umur: Banjarmasin, 24 September 1953[2]) adalah anak matan Sultan Muhammad Seman bin Pangeran Antasari nang sumangat bajuang mausir Walanda dalam Parang Banjar manarusakan parjuangan Pangiran Antasari.[3] Ratu Zaleha bajuang lawan buhan babinian suku Dayak nang sudah masuk Islam nang kaya Bulan Jihad[4] atawa Wulan Djihad[5], Illen Masidah wan nang lainnya.

Gugurnya Sultan Muhammad Seman wan hancurnya binting partahanan Manawing, ditangkapnya Panglima Batur pada tahun 1905, Parang Banjar nang dimulai lawan panyarangan ka benteng wan panambangan batu bara Oranje Nassau di Pengaron, Kabupatin Banjar tahun 1859, dipastiakan ampih pada tahun 1905.

Kuburan Ratu Zaleha

Babarapa tukuh pajuang nang tatap batahan ayungannya tapaksa manyarah wan buhannya dibuang ka luar dari bumi bakas Kesultanan Banjar jadi tawanan parang, lalu hidup dalam pengasingan sampai habis umur. Nang kaya Gusti Muhammad Arsyad, minantu Sultan Muhammad Seman. Gusti Muhammad Arsyad nang dibuang ka Buitenzorg (sekarang Kuta Bogor) pada tanggal 1 Agustus 1904.

Gusti Muhammad Arsyad wan bininya Ratu Zaleha, puteri matan Sultan Muhammad Seman bajuang lawan abahnya liwar waninya. Imbah benteng Manawing hancur Inya basambunyi ke Lahei imbah ngitu ka Mia di Sungai Teweh nang buhannya anggap aman dari sasahan Balanda. Lakinya Gusti Muhammad Arsyad satahun sabalum benteng Manawing hancur talah manyarah lawan Walanda karana pangapungan nang maulah inya kada dapat malariakan saurangan lagi imbah disasah-sasah lawan garumbulan Walanda.

Gusti Zaleha atawa Ratu Zaleha marasa uyuh banar wan awaknya kada sanggup lagi, paampihannya Inya pamulaan tahun 1906 manyarahakan diri lawan Walanda. Atas kahandaknya Ratu Zaleha maumpati lakinya dalam pangasingan di Bogor (di kawasan Keramat Empang Bogor) supaya takumpul lawan lakinya Gusti Muhammad Arsyad sampai habis umur. Ratu Zaleha diumpati mamanya Nyai Salamah.

Kaluarga Ratu Zaleha adalah bubuhan Pagustian nang dianggap babahaya sagan wilayah Kalimantan Selatan dan Tengah. Sabagai urang tawanan Gusti Muhammad Arsyad mandapat tunjangan saganal f300, parbulan dirikin matan 1 Mei 1906 imbah itu bininya Ratu Zaleha mandapat f125, sabagai tambahan gasan mamalihara 7 orang angguta kaluarganya. Tunjangan ini bapandal lawan surat Sekretaris Goebernemen 25 Juli 1906 no. 1198 nang ditujuakan ka Ekslensi Gubernur Jenderal Hindia Belanda, dan Asisten Residen Bogor.[6] Gasan manganang inya, pada tahun 1963, dibangun sabuting rumah sakit nang bangaran "Rumah Sakit Daerah Ratu Zaleha" di Martapura, Kabupatin Banjar.[7]

Jujuhutan[babak | babak asal-mulanya]

  1. ^ Mengenang Perjuangan Pahlawan Perempuan Ratu Zaleha
  2. ^ Ratu Zalecha
  3. ^ (Bahasa Indonesia) Mohammad Najib, Demokrasi dalam perspektif budaya Nusantara, Jilid 2, Lajnah Kajian dan Pengembangan Sumberdaya Manusia Nahdlatul Ulama Daerah Istimewa Yogyakarta, ISBN 979-8867-01-7, 9789798867019; Penerbit LKPSM, 1996, ISBN 979-8867-03-3, 9789798867033
  4. ^ Mochtar Effendy, Ensiklopedi agama dan filsafat, Jilid 6, Penerbit Universitas Sriwijaya, 2001 ISBN 979-587-151-X, 9789795871514
  5. ^ (Bahasa Indonesia) Merdeka: tjerita rakjat, Penerbit Djajamurni, 1962
  6. ^ (Bahasa Indonesia) M. Gazali Usman, Kerajaan Banjar: Sejarah Perkembangan Politik, Ekonomi, Perdagangan dan Agama Islam, Banjarmasin: Lambung Mangkurat Press, 1994.
  7. ^ "Profil – Rumah Sakit Umum Daerah Ratu Zalecha Martapura" (dalam bahasa Indonesia). Diakses tanggal 2022-11-27.