Hari Raya Pitrah
| Hari Raya Pitrah | |
|---|---|
 Sambahyang Hari Raya Pitrah di Masigit Raya Sabilal Muhtadin. | |
| Ngaran rasmi | عيد الفطر |
| Ngaran lain | Hari Raya Pitrah |
| Dirayaakan ulih | Umat Muslim |
| Jenis | Hari libur agama |
| Makna | Ditandai lawan bawarihnya bulan Ramadan, bulan puasa |
| Parayaan | Ibadah, maunjuk hadiah, bailang ka dangsanak kulawarga atawa jua jiran, bulik kampung, bahias |
| Kagiatan | Sambahyang Hari Raya |
| Tanggal | 1 Sawal |
| Tahun 2021 | 13 Mai |
| Tarait lawan | Ramadan nang balangsung salawas 29-30 hari imbah tinggalamnya matahari wayah hari pauncitan. Hari Raya Haji, nang disambut 70 hari imbahnya |
Hari Raya Pitrah (bahasa Indunisia: Idulfitri) adalah hari raya umat Islam nang gugur wayah tanggal 1 Sawal di pananggalan Hijriah. Marga panantuan 1 Sawal nang badasarakan paulaian bulan ngitu, maka Hari Raya Pitrah gugur wayah tanggal nang balain-lain saban tahunnya lamun dijanak matan pananggalan Masihi. Cara manantuakan 1 Sawal jua bamacam-macam jadi kawa jua ada sapalihan umat Islam nang marayaakannya wayah tanggal Masihi nang balain.
Ibadah wan taradisi[babak | babak asal mulanya]
Wayah tanggal 1 Sawal, mulai bawarihnya puasa di bulan Ramadan, imbah ngitu marayaakan Hari Raya Pitrah. Pamulaan baisukan rancak digawi sambahyang Hari Raya Pitrah (sambahyang Hari Raya), disunahakan manggawi sambahyang hari raya di tanah lapang atawa jua di kartak (tatambaian di kuta ganal). Sabalum sambahyang hari raya digawi, imam maingatakan siapa nang balum mambayar jakat pitrah, marga lamun imbah sambahyang hari raya, hanyar mambayar jakatnya hukumnya sidakah biasa lain jakat. Ada jua hukum matan sambahyang Hari Raya Pitrah ngini adalah sunah muakat. Wayah malam sabalum wan imbah hari raya, umat muslim disunahakan mahalalawakan takbir. Ada jua kalimat takbir adalah sawagai ngini:
| Arab | Latin | Terjemahan |
|---|---|---|
| الله أكبر الله أكبر الله أكبر | Allahu akbar, Allahu akbar, Allahu akbar | Allah Mahaganal, Allah Mahaganal, Allah Mahaganal |
| لا إله إلا الله | la ilaha illa Allah | Kadada Tuhan salain Allah |
| الله أكبر الله أكبر | Allahu akbar, Allahu akbar | Allah Mahaganal, Allah Mahaganal |
| ولله الحمد | wa li-illahi al-ḥamd | Sagala puji wastu gasan Allah |
Takbir mulai dihalalawakan imba bulan Sawal dimulai. Sawalih manunaiakan sambahyang sunah Hari Raya Pitrah, bubuhan muslimin musti mambayar jakat pitrah jua[1][2] sabanyak 2,5 kilugram bahan pangan tatambaian. Tujuan matan jakat pitrah saurang adalah gasan mambari kahimungan gasan bubuhan pakir miskin. Imbah ngitu, hutbah dibariakan imbah sambahyang Hari Raya Pitrah tuntung, wan disambung lawan dua. Imbah ngitu, bubuhan muslimin di Indunisia baisi taradisi bamaap-maapan, bahanu sapalih urang pacangan bajiarah mailangi kuburan.[3]
Dua atawa ucapan[babak | babak asal mulanya]
Di Indunisia rancak maucapakan dua Minal 'Aidin wal-Faizin, sabujurnya ngitu adalah taradisi masarakat Asia Tunggara. Maumpat sapalih ganal ulama ucapan ngitu lain badasar matan ucapan Nabi Muhammad saw. Paujaran ngini mulanya baasal matan saikung panyair wayah masa Al-Andalus, nang bangaran Shafiyuddin Al-Huli, wayah inya mambawaakan sair nang kuntiksnya mangisahakan dundang bibinian wayah hari raya.[4]
Ucapan nang disunahakan ulihnya adalah Taqabbalallahu minna wa minkum ("Mudahan Allah manarima amal kami wan bubuhan Pian") atawa Taqabbalallahu minna waminkum wa ahalahullahu ‘alaik ("Mudahan Allah manarima (amalan) matan kami wan matan Pian sabarataan wan mudahan Allah manyampurnaakannya atas Pian" wan samisalnya.”) wan samisalnya.[5][6][7][8]
Hari Raya Pitrah di bamamacam wilayah[babak | babak asal mulanya]
Asia[babak | babak asal mulanya]
Asia Tunggara[babak | babak asal mulanya]
Umat Islam di Indunisia manjadiakan Hari Raya Pitrah jadi hari raya tatambaian, wayah gasan bakumpul pulang lawan kulawarga, apalagi kulawarga nang marga sabuting alasan, misalnya gawian atawa pakawinan, musti bapisah. Matan dua minggu sabalum Hari Raya Pitrah, umat Islam di Indunisia bamula auran mamikirakan parayaan hari raya ngini, nang panambaiannya adalah bulik kampung jadi pamarintah jua manyamani lawan mambujuri jalan-jalan nang dilalui. Hari Raya Pitrah di Indunisia diparingati sawagai hari parai nasiunal, nang diparingati ulih sapalih ganal masarakat Indunisia nang dasar mayuritas muslim. Rancaknya, panatapan Hari Raya Pitrah ditantuakan ulih pamarintah. Tagal, sapalih urmas Islam manatapakannya balain-lain. Hari Raya Pitrah di Indunisia disambat lawan Lebaran, di mana sapalih ganal masarakat bulik kampung (mudik) gasan marayaakannya lawan kulawarga. Salawas parayaan, bamamacam makanan disurungakan. Surungan nang paling pupulir dalam parayaan Hari Raya Pitrah di Indunisia adalah katupat, nang dasar liwar patuh di Indunisia wan Malaysia.
Riparinsi[babak | babak asal mulanya]
- ^ Weigers, Gerard."Ibadat". Encyclopedia of Islam and the Muslim world, hal. 327
- ^ Gaffney, Patrick D. "Khutba." Encyclopedia of Islam and the Muslim World. hal. 394.
- ^ Wiegers, Gerard. "Ritual". Encyclopedia of Islam and the Muslim world, hal. 600
- ^ Dawawin Asy-Syi’ri Al-’Arabi ‘ala Marri Al-Ushur, 19:182.
- ^ Muhammad bin Ziyad, baujar: "Wayah ngitu aku lawan Abu Umamah Al-Bahili radhiallahu anhu wan sapalihan sahabat Nabi shallallahu alaihi wasallam nang lain, imbah ngitu lamun bubuhannya bulik sapalihan maucapakan gasan sapalihan lainnya: (Taqabbalallahu minna waminkum) (Mudahan Allah manarima amal kami wan bubuhan Pian), Imam Ahmad bin Hanbal baujar: "Sanadnya baik." Matan Ibnu At-Turkimani dalam kitapnya Al-Jauhar An-Naqiy Hasyiah Al-Baihaqi (3/320-321).
- ^ Syeikh Al-Albani rahimahullah dalam kitap Tamamul Minnah (356).
- ^ Ibnu Qudamah dalam kitap Al-Mughni (2/259).
- ^ Al-Ashbahani dalam kitapnya At-Targhib Wa At-Tarhib (1/251).