Basa Indunisia

Tumatan Wikipidia Banjar, kindai pangatahuan
(Diugahakan matan Bahasa Indonésia)
Basa Indunisia
Bahasa Indonesia
Dituturakan di Indonésia, Malaysia, Timor Lorosa'é, Brunai, Singapura
Banua Indunisia, Malaysia, Timor Lorosa'é, Brunai, Singapura
Jumlah pamandir 17–30 juta pamandir asli
total 140–220 juta
Paringkat 56
Rumpun basa Austronesia
Status rasmi
Basa rasmi di  Indonesia
Basa minoritas di  Timor Leste

ASEAN

Diatur ulih Pusat Bahasa
Kode-kode basa
ISO 639-1 id
ISO 639-2 ind
ISO 639-3 ind
Barakas:Indunisian Language Map.svg
Keterangan:
     Wilayah Basa Indunisia duminan dipandirakan wan sabagai basa rasmi.
     Wilayah Basa Indunisia dipandirakan ulih minuritas.

Basa Indunisia adalah basa rasmi Ripublik Indonésia[1] wan basa parsatuan bangsa Indunisia[2]. Basa Indunisia dirasmi'akan pamakaiannya imbah Paruklamasi Kamardikaan Indunisia, pasnya sahari sasudahnya, tasimbaya lawan mulai balakunya kunstitusi. Di Timor Lésté, Basa Indunisia ba'andak sabagai basa gawi.

Matan unjut janak linguistik, Basa Indunisia adalah suatu parian basa Malayu. Dasar nang dipakai adalah basa Malayu Riau matan abad ke-19. Dalam parkambangannya, inya mangalami parubahan marga panggunaanya sabagai basa gawi di lingkungan administrasi kolonial wan babagai parusis pambakuan tumatan panambaian abad ke-20. Pangaranan "Bahasa Indonésia" diawali tumatan dicanangkannya Sumpah pamuda, 28 Uktubir 1928, hagan manghindari kesan "imperialisme basa" apabila ngaran basa Melayu tatap digunakan.[3] Parusis ini manyababakan babidanya Bahasa Indonésia wayah ini matan varian basa Malayu nang diguna'akan di Riau maupun Samananjung Malaya. Hingga wayah ini, Bahasa Indonésia marupakan basa nang hidup, nang tarus mahasilakan kata-kata wastur, baik malalui panciptaan maupun panyarapan matan basa banua wan basa asing.

Walaupun dipahami wan dituturakan ulih labih matan 90% warga Indonésia, Bahasa Indonésia bukanlah basa uma bagi kabanyakan pamandirnya. Sapalih ganal warga Indonésia mangguna'akan salah asa matan 748 basa nang ada di Indonésia sabagai basa uma.[4] Pamandir Bahasa Indonésia rancak mangguna'akan versi sahari-hari (kolokial) wan/atawa mancampuradukakan lawan dialek Malayu lainnya atawa basa umanya. Walaupun damikian, Bahasa Indunisia diguna'akan bangat luas di paguruan-paguruan, di media massa, sastra, parangkat lunak, surat-manyurat rasmi, wan babagai forum publik lainnya,[5] sahingga kawalah diujarakan bahua Bahasa Indonésia diguna'akan ulih sabarataan warga Indunisia.

Fonologi dan tata basa Bahasa Indonésia dianggap relatif mudah.[6] Pandal-pandal nang panting hagan komunikasi dasar hingkat dipalajari wastu dalam kurun waktu babarapa minggu.[7]

Referensi[babak | babak asal-mulanya]

  1. ^ Butir katalu Sumpah Pamuda, 28 Uktubir 1928
  2. ^ Butir katalu Sumpah Pamuda, 28 Uktubir 1928
  3. ^ Asmadi T.D. Arti Tanggal 2 Mei bagi Bahasa Indunisia[permanent dead link]. Laman Lembaga Pers Dr. Sutomo. Edisi 08 Februari 2010. diakses 5 Maret 2010.
  4. ^ Depdiknas Terbitkan Peta Bahasa[permanent dead link] Blog BahasaKita 4 Maret 2009, mirror dari berita AntaraOnline edisi 22 Oktober 2008.
  5. ^ http://www.ohio.edu/LINGUISTICS/indonesian/index.html Why Indunisian is important to learn. Situs pengajaran basa Indunisia di Ohio State University.
  6. ^ Farber, Barry. J. How to learn any language quickly, enjoyably and on your own. Citadel Press. 1991.
  7. ^ Eliot, J., Bickersteth, J. Sumatra Handbook. Footprint. 2000.