Bintang

Tumatan Wikipidia Banjar, kindai pangatahuan

Bintang[1] marupakan banda langit nang mamancarakan cahaya. Tahaba bintang semu wan bintang nyata. Bintang semu adalah bintang nang kada mahasilakan cahaya sorang, tagal mamanjulakan cahaya nang ditarima matan bintang lain. Bintang nyata adalah bintang nang mahasilakan cahaya sorang. Sacara umum sambatan bintang adalah objék luar angkasa nang mahasilakan cahaya sorang (bintang nyata).

Manurut ilmu astronomi, définisi bintang adalah:

Samunyaan banda masif (bamassa antara 0,08 hingga 200 massa matahari) nang rahat dan suah malangsungakan pambangkitan énergi malalui réaksi fusi nuklir.

Ulih marga itu bintang katai putih wan bintang neutron nang sudah kada mamancarakan cahaya atawa énergi tatap disambat sabagai bintang. Bintang taparak lawan Bumi adalah Matahari pada jarak sakitar 149,680,000 kilomitir, diumpati ulih Proxima Centauri dalam rasi bintang Centaurus bajarak sakitar ampat tahun cahaya.

Rujukan[babak | babak asal-mulanya]

  1. ^ "Laboratorium Kebinekaan Bahasa dan Sastra" (dalam bahasa Indonesia). Jalan Anyar Km. 4, Kompleks IPSC, Citeureup, Bogor, Indonesia: Laboratorium Kebinekaan Bahasa dan Sastra, Pusat Pengembangan Strategi dan Diplomasi Kebahasaan, Badan Pengembangan dan Pembinaan Bahasa, Kementerian Pendidikan dan Kebudayaan. 2019. Diakses tanggal 13 Mei 2019.