Astronomi

Tumatan Wikipidia basa Banjar, insiklupidia bibas
Malacung ka napigasi, gagai
Nebula Kepiting, sakumpulan sisa-sisa supernova. Citra diabadikan ulih teleskop Hubble.

Astronomi(dikanal sabagai Ilmu Falak (Basa Arab:علم الفلك) dari sagi basa etimologi mambawa maksud paraturan bintang) yeto cabang ilmu alam nang malibatakan pangamatan banda-banda langit (nang kaya bintang, palanet, komet, nebula, gugus bintang, atawa galaksi) sarta finomena-finomena alam nang tarjadi di luar atmosfir Bumi (cuntuhnya radiasi latar balakang kosmik (radiasi CMB)). Ilmu ngini sacara pukuk mampelajari babagai sisi dari banda-banda langit — nang kaya asal-usul, sifat fisika/kimia, meteorologi, wan garak — wan bagaimana pangatahuan akan banda-banda ngintu manjalasakan pambentukan wan parkembangan alam samasta.

Astronomi sabagai ilmu yeto salah satu nang paling tuha, sabagaimana dikanal dari artifak-artifak astronomis nang barasal dari era prasajarah; nang kaya monumen-monumen dari Masir wan Nubia, atawa Stonehenge nang berasal dari Britania. Urang-urang dari paradaban-paradaban pamulaan samacam Babilonia, Yunani, Cina, India, wan Maya didapati jua talah malakukan pangamatan nang metodologis atas langit malam. Akan tatapi walapun baisi sajarah nang panjang, astronomi hanyar kawa barkambang manjadi cabang ilmu pangetahuan modern malalui panamuan teleskup.