Kaji tawas langit

Tumatan Wikipidia Banjar, kindai pangatahuan
(Diugahakan matan Astronomi)
Nebula Kepiting, sakumpulan sisa-sisa supernova. Citra diabadikan ulih teleskop Hubble.

Astronomi (dipinandui lawan Ilmu Falak, basa Arap: علم الفلك) matan sagi basa itimulugi mambawa maksud paraturan bintang) yaitu cabang ilmu alam nang maumpatakan panalikan banda-banda langit (nang kaya bintang, palanit, komet, nebula, gugus bintang, atawa galaksi) wan jua finomena-finomena alam nang tarjadi di luar atmosfir Bumi (cuntuhnya radiasi latar balakang kosmik (radiasi CMB)). Ilmu ngini secara pokok mampalajari barbagai sisi matan benda-benda langit — nang kaya asal-usul, sifat fisika/kimia, meteorologi, wan garak — wan bagaimana pangatahuan akan banda-banda ngitu manjalasakan pembentukan wan perkembangan alam samasta.

Astronomi sabagai ilmu yaitu salah sabuting nang paling tuha, sabagaimana dipinandui matan artifak-artifak astronomis nang baasal matan era prasajarah; nang kaya monumen-monumen dari Masir wan Nubia, atawa Stonehenge nang baasal matan Britania. Urang-urang matan paradaban-paradaban pamulaan samacam Babilonia, Yunani, Cina, India, wan Maya didapati jua talah malakukan pangamatan nang metodologis atas langit malam. Tagal, walapun baisi sajarah nang panjang, astronomi hanyar kawa barkambang manjadi cabang ilmu pangetahuan modern malalui panamuan teleskup.

Ilmu astronomi jua dianggap ilmu nang penting, misalkan hanya hagan umat islam, ilmu astronomi baisi fungsi nang kaya hagan manantuakan nafigasi hagan tujuan badagang wan bajalanan, hagan manantuakan kalender kamariyah, manantuakan wayah sambahyang wan arah kiblat Kabbah di Makkah wan jua mangatahui wayah garhana baik garhana bulan atawa matahari.[1]

Kaji tawas langit pamulaannya danul matan filsafat nang bangaran kosmologi.[2]

Referensi[babak | babak asal-mulanya]

  1. ^ Halimah, Siti Nur (2018-06-10). "Benang Merah Penemu Teori Heliosentris: Kajian Pemikiran Ibn Al-Syāṭir". Al-Marshad: Jurnal Astronomi Islam dan Ilmu-Ilmu Berkaitan (dalam bahasa Inggris). 4 (1). doi:10.30596/jam.v4i1.1939. ISSN 2598-2559. 
  2. ^ Soekantro, Soerjono; Sulitstyowati, Budi (2019). Sosiologi Suatu Pengantar. Depok: PT RAJAGRAFINDO PERSADA. hlm. 3. ISBN 978-979-769-577-4.