Apam
 Wadai apam nang dijual di warung di Hantakan, Hulu Sungai Tengah | |
| Jenis | Panekuk |
|---|---|
| Sajian | Wadai pasar |
| Tempat asal |  Indonesia |
| Daerah | Kalimantan Selatan |
| Suhu penyajian | Hangat |
| Bahan utama | Galapung beras, gula habang, tapai gumbili, santan |
Apam atawa dipinandui juwa lawan appam di banua asalnya India adalah makanan nang diulah matan galapung baras nang diganaakan samalaman nang hudah dicampur duwa santan, gula, tapai wan saikit uyah nang imbah ngitu cagaran dibanam atawa disumap. Bantukannya nangkaya surabi tagal takandal.
Sajarah[babak | babak asal-mulanya]
Urang Jatinom, Klaten, Jawa Tengah wan parakannya parcaya bahwa wadai apam asalnya matan Mekah nang dibawa duwa Ki Ageng Gribig rahatan bulik imbah bahaji. Kata apam diyakini matan basa Arab, yaitu afwan atawa affuwun nang artinya adalah maaf atawa ampunan. Tagal bubuhan Jawa ngalih manyambat, buhannya jadi tasambat apem. Wadai ngini sabagai simbol ampun maaf ka Tuhan atas kasalahan nang ada.[1]
Bahan[babak | babak asal-mulanya]
Bahan gasan baulah apam adalah galapung baras, santan, tapai, gula, gula habang wan uyah.[2] Tagal lamun di Hulu Sungai, cagaran mamakai galapung baras matan baras usang. [3]
Galapung baras ngitu diudak lawan tapai gumbili sampai jadi satu. Gula habang dibanyui juwa sakira hancur, diudak sampai likat, imbah ngitu dicampur ka adunan galapung. Imbah diaduk pulang sampai rata, diganaakan sampai kamir atawa adunannya maurak, paling lawas samalaman. Imbah dirasa pina kamir, adunan disumap sakira saparapat jam sampai masak.[3]
Parian[babak | babak asal-mulanya]
Apam banyiur adalah parian apam nang khas matan Kalimantan Selatan. Apam ngini bahan dasarnya gelapung baras, santan imbah itu dikukus. Kemudian kalo sudah tuntung dikukus hanyar ditambahi nyiur beparut di atasnya. Rasanya campuran antara manis wan gurih.[4]
.
Jujuhutan[babak | babak asal-mulanya]
- ^ Achroni, Dawud (2017). Belajar dari Makanan Tradisional Jawa. Jakarta: Badan Pengembangan dan Pembinaan Bahasa, Kementerian Pendidikan dan Kebudyaaan. hlm. 17. ISBN 978-602-437-228-6.
- ^ Khairunnisa, Syifa (2023-03-05). "Mengapa Kue Apem Identik dengan Tradisi Ruwahan?". KOMPAS.com (dalam bahasa Indonesia). Diakses tanggal 2023-07-07.
- ^ a b Seman, Syamsiar (2019). Wadai Banjar 41 Macam. Banjarmasin: Lembaga Pendidikan Banua. hlm. 8. ISBN 978-602-96540-6-0 Periksa nilai: checksum
|isbn=(bantuan). - ^ Arfianty, Desy; Studio, Aldiskatel (2020-10-12). "Kelezatan Apam Mama Jannah, dari Original hingga Apam Mini yang Unik!". Kanal Kalimantan (dalam bahasa Indonesia). Diakses tanggal 2023-11-24.