Amparan tatak
 Sakarat amparan tatak | |
| Ngaran lain | Hamparan tatak pisang, Nangka susun, Rangkasusun |
|---|---|
| Banua asal | Indunisia |
| Dairah | Kalimantan Salatan wan wadah ganaan urang Banjar nangkaya di Kalimantan Timur, Kalimantan Tangah sampai ka Tambilahan, Riau. |
| Masakan nasiunal tarait | Indunisia |
| Diulah ulih | Suku Banjar |
| Suhu panyajian | Hangat wan dingin |
| Bahan utama | Galapung baras, santan, gula lawan pisang |
| Bahan nang umum dipakai | Banyu kapur duwa uyah |
Amparan Tatak adalah ngaran wadai tradisiunal matan suku Banjar. Wadai ngini tamasuk ka dalam wadai basah nang diulah matan galapung baras, santan, gula, banyu kapur, uyah duwa pisang. Wadai ngini baisi rasa nang manis wan talamak, nang jadi untingan urang amun handak babuka rahatan bulan puasa.
Wadai ngini sudah kawa ditamui dimana urang Banjar bagana, nangkaya di Kalimantan Tengah [1], Kalimantan Timur [2] sampai ka Tembilahan, Riau.[3]
Wadai Amparan Tatak bantukannya mahirip duwa wadai Nagasari, tagal nang maulah lainan ialah cara manyajiakannya. Lamun Nagasari babungkus daun pisang, tagal Amparan tatak diandak di dalam ceper ganal wan dikarat babantuk sagitiga.[4]
Tiba ngaran
[babak | babak asal-mulanya]Ngaran Amparan Tatak tiba matan bantukan wadai ngini rahatan dijulung ka urang nang manukar. Oleh rahatan baulah wadai, adunan diandak ka dalam ceper bulat. Lamunnya sudah masak, wadai ngini dialih ka lapik daun pisang,[5] wan ditatak gasan disurungi ka urang-urang.[6]
Tagal, ada juwa urang nang manyambat ngaran wadai ngini Nangka susun atawa Rangkasusun, oleh urang nang maulah kada mamakai pisang, tagal buah nangka nang disusun rapi disalisi adunan bakalir putih.
Kisah bahari
[babak | babak asal-mulanya]Rahatan jaman bahari, wadai Amparan Tatak diulahakan husus gasan bubuhan bangsawan matan Karajaan Banjar wan Daha. Tagal wayah ini sudah kawa dimakan lawan siapa haja,[7] wan biasanya ada di aruh-aruh ganal urang suku Banjar.[8]
Cara baulah
[babak | babak asal-mulanya]Cara baulah wadai Amparan tatak kawa disambat nyaman haja, tagal tatap kada kawa bahapal. Ada kaparcayaan lamun baulah wadai Amparan tatak kada bulih digawi bibinian nang datang bulan. Lamun pantangan ngini digawi, maka wadai nang jadi cagaran kada nyaman dimakan, lawan kalir duwa bantukannya cagaran kada mambari kapingin.[9]
Adunan nang hudah jadi, dimasukakan ka dalam ceper gasan disumap imbahnya di dalam rinjing ganal. Lamun dirasa sudah masak, ditambahi pati santan likat duwa uyah saikit. Wahana handak masak, pabila lapisan nang bawah galapung takambuh pisang, sapalih lapisan atas pina mangaras.[10]
Itihi jua
[babak | babak asal-mulanya]Jujuhutan
[babak | babak asal-mulanya]- ^ Sugianto, Ghorby (2022-04-09). "Kue Basah Amparan Tatak Menjadi Khas dan Wajib Ada saat Bulan Ramadhan di Palangkaraya". Tribunnews.com (dalam bahasa Indonesia). Diakses tanggal 2022-06-06.
- ^ Febriyana, Wahyu. "Amparan Tatak : Kue Loyang Favorit Di Bulan Ramadhan". mmckalteng (dalam bahasa Indonesia). Diakses tanggal 2022-06-06.
- ^ "Warung Papada'an Sediakan Kue Khas Banjar, Amparan Tatak Jadi Primadona". lensariau.com (dalam bahasa Inggris). Diakses tanggal 2022-06-06.
- ^ "Amparan Tatak, Kue Tradisional Kalimantan yang Laris Manis". Cendana News (dalam bahasa Indonesia). 2015-09-20. Diarsipkan dari versi asli tanggal 2021-05-16. Diakses tanggal 2022-06-06.
- ^ "Amparan Tatak, Kue Basah Manis dan Gurih Khas Banjarmasin | Daerah Kita - Sajian Artikel Ringan dan Informatif Nusantara". www.daerahkita.com (dalam bahasa Inggris). Diakses tanggal 2022-06-06.
- ^ Basoni, Sonia. "Maya Canteen : Legitnya Sarimuka dan Amparan Tatak Khas Banjarmasin". detikcom (dalam bahasa Indonesia). Diakses tanggal 2022-06-06.
- ^ "Resep Amparan Tatak Pisang Khas Banjarmasin, Manis dan Lumer". OKEMOM (dalam bahasa Indonesia). 2021-07-07. Diarsipkan dari versi asli tanggal 2022-10-03. Diakses tanggal 2022-06-06.
- ^ "Amparan Tatak, Kue Basah Manis dan Gurih Khas Banjarmasin | Daerah Kita - Sajian Artikel Ringan dan Informatif Nusantara". www.daerahkita.com (dalam bahasa Inggris). Diakses tanggal 2022-06-06.
- ^ "Amparan Tatak". Tribunnewswiki.com (dalam bahasa Indonesia). Diakses tanggal 2022-06-06.
- ^ Seman, Syamsiar (2009). Wadai Banjar 41 Macam. Banjarmasin: Lembaga Pendidikan Banua. hlm. 45–46. ISBN 978-602-96540-6-0 Periksa nilai: checksum
|isbn=(bantuan).