Tari Baksa Kembang
Tari Baksa Kembang adalah tarian mudil bahari matan Keraton Banjar di Kalimantan Selatan. Tarian ngini wayah bahari marupaakan kagiatan panyambutan tamu nang digawi lawan bibinian keraton Banjar. Wayah ini, Tari Baksa Kembang dipakai urang Kalimantan Selatan gasan ditampilakan dalam kagiatan upacara batatai pangantin.
Tari Baksa Kembang bakisah parihal babinian nang bungas banar nang himung bamaianan di kabun kambang. Bubuhan panari di tarian ngini bajumlah ganjil, baik saurangan haja atawa baramian asal bajumlah ganjil.[1] Idabul tarian ini marupakan basa kalambutan si tuan rumah rahatan manyambut lawan mahurmati tamu, sahingga suasana tariannya kalihatan himung baramian.
Nilai nang kawa diambil matan Tarian Baksa Kembang ialah bagus banar. Lantaran kagiatan mahurmati wan mahargai tamu marupakan kagiatan nang mulia. Hal ngini marupakan budaya bangsa kita nang harus kita junjung tinggi.
Panambayannya di Banjar, Tari Baksa Kembang baisi banyak mudil. Tagal wayah ini sudah ada kasapakatan matan palatih tari sabanua Kalimantan Selatan. Dimana panari Baksa Kembang mamakai mahkuta Gajah Gemuling nang ditatah kembang goyang, sapasang bogam baukuran halus diandak di mahkuta, lawan untaian nyiur anum bangaran Halilipan, ditambahi jua lawan sapasang kambang Cempaka, Melati wan Kenanga.[2]
Tari Baksa Kembang bairingan gamalan lawan irama lagu nang hudah baku yaitu lagu Ayakan wan Janklong atawa Kambang Muni. [3]
Jujuhutan[babak | babak asal-mulanya]
- ^ Dinas Kebudayaan dan Pariwisata Kota Banjarmasin (2018). "Tari Baksa Kembang Banjarmasin - Kalimantan Selatan". disbudpar.banjarmasinkota.go.id. Diarsipkan dari versi asli tanggal 2023-02-12. Diakses tanggal 2023-02-12.
- ^ Daniswari, Dini (2022-11-01). "Tari Baksa Kembang: Asal-usul, Properti, dan Kisah Halaman all". KOMPAS.com (dalam bahasa Indonesia). Diakses tanggal 2023-02-12.
- ^ Utami, Rizky,. Ensiklopedia tari-tarian Nusantara (edisi ke-Cetakan pertama). Margacinta, Bandung. hlm. 82–85. ISBN 9789796659869. OCLC 927620776.