Robert Ezra Park
Rober Ezra Park (1864 - 1944) marupakan marupakan tukuh nang mamangaruhi parkambangan ilmu kaji masarakat.[1]
Pamikiran[babak | babak asal-mulanya]
Robert Ezra Park disambat palapor matan salah sabuting mazhab dalam ilmu kaji masarakat, yaitu mazhab ikulugi nang diakuri sawagai cikang ilmu kaji masarakat ulih suatu partamuan American Sociology Society pas tahun 1925.[1]
Hinti ajaran Robert Ezra Park adalah pandapat nang manyambat bahwa kaji masarakat maanyaki masarakat saandakan matan buncu raraitan antar urang. Park jua mamimpin paitihan manganai paristiwa dalam bakawanan di kuta wan manganai sipat-sipat suatu bangsa.[1]
Karya[babak | babak asal-mulanya]
Ngarannya dipinandui maraga hudah mangarang sabuting buku pangantar kaji masarakat (manulis bukunya lawan Burgess) nang bajudul Introduction to the Science of Sociology pas tahun 1921. Dalam buku ngini, Robert Ezra Park mambahas sabarataan piduhal ilmu kaji masarakat, nang sapalih dijuhut matan paculan-paculan kulihan karya bubuhan sarjana kaji masarakat nang tarkamuka. Bukunya mambantar pangaruh ganal ka parkambangan imbahan ilmu kaji masarakat kususnya di Amirika Sarikat.[1]
Inya jua baisi kulihan karya nang lain nang kaya Old world traits transplanted (ditulis lawan H.A. Miller tahun 1921) wan Race and Culture (dinaikakan tahun 1950, imbah inya habis umur).[1]