Kristen pas zaman Gregorius I
Pas zaman Gregorius I, urang keresten sudah maanggap garija sabagai labih matan pada sakadar sakumpulan bangunan kaagamaan, kitab suci, wan kaparcayaan baimbai. Buhan urang bijak matan timus sudah lawas maartiakan garija sabagai sabuting sabukuan hal gaib, ikarnasi karistus di Bumi.[1]
Garija maamanakan kawanangan mamagatakan siapa nang tamasuk wan kada tamasuk umat. Garija kawa mangaluarakan (ekskomunikasi) siapa haja matan anggotanya inya nang kawa masuk naraka salawasan. Buhan urang alim kawa mambari bantuan (syafaat) gasan buhan pandosa, tapai garija haja nang kawa manantuakan siapa urang alim atawa siapa nang banyak dusa.[1]
Urang Keresten nang maumpati aturan pun balum dijamin masuk surga. Iman, manurut kunstilasi pamikiran katolik, kada cukup. Urang parlu jua baamal gasan masuk surga. Dalam kunteks ngitu amal kada haja gawian nang baik; amal labih tatuju ka ritus wan ritual nang ditantuakan garija, nang kaya misa, pangakuan dusa, wan panabusan dusa.[1]
Garija katulik jaman ngitu kada hanya sabagai nagara, tatapi sabagai alternatif Eropa Barat, kasatuan gagasan ngini mambari duminasi nang maungguli pamarintah. Garija baisi hukum kanunik sorang, nang diulah wan disahakan di Ruma. Garija baisi sumber pandapatan sorang, baisi kakuasaan gasan manarik pajak, baisi tanah sorang, baisi kakuasaan eksklusif gasan manunjuk pamuka agama nang mambari pangampunan dusa.[1]
Catatan Batis
[babak | babak asal-mulanya]- ^ a b c d Ansary, Tamim, author, narrator., The invention of yesterday, ISBN 978-1-5491-5672-4, OCLC 1128835405, diakses tanggal 2020-06-03