Karl Mannheim
Karl Mannheim (1893 - 1947) marupakan marupakan tukuh nang mamangaruhi parkambangan ilmu kaji masarakat. Inya pamulaannya jadi guru ganal di Universitas Frankfurt-am-Main di Jarman nang imbahnya baalih wan bagana di Inggris nang mana inya jua jadi guru ganal di Universitas London.[1]
Pamikiran[babak | babak asal-mulanya]
Karl Mannheim hudah banyak manyumbang pikirannya gasan parkambangan kaji masarakat. Antara lain cikang kaji masarakat nang dingaraninya sawagai kaji masarakat pangatahuan nang kusus maanyaki raraitan antara masyarakat lawan pangatahuan. Imbahnya, tiurinya nang liwar dipinandui adalah ihwal krisis. Akar sabarataan pacakutan nang mancungulakan krisis baandak dalam katagangan-katagangan nang cungul di sabarataan lapangan kahidupan maraga asas laissez faire nang baimbai lawan asas-asas nang hanyar dalam kahidupan ikunumi. Ngini jua gasan lapangan-lapangan kahidupan lainnya. Sasamaan-sasamaan dalam masarakat bakambang manurut asas nang hanyar, dalam hal ngini manusialah nang musti manjulung bantuk lawan sasamaan-sasamaan hanyar tadi. Tagal, dalam hiwal ngini, manusia luui. Ngini lah nang maulah krisis.[1]
Manurut Karl Mannheim, nang diparluakan adalah planning for freedom, yaitu samacam parancanaan nang diitihi sacara dimukratis wan manjamin kamardikaan gagawian-gagawian saikung urang, atawa kalumpuk urang, di dalam maupun di luar rangka sasamaan-sasamaan nang ngitu di atas.[1]
Hiwal planning for freedom nang ngitu tadi, Mannheim marintis paulahan The International Library of Sociology and Social Reconstruction nang batujuan maanyaki (sacara ilmiah) piduhal-piduhal ikunumi wan parancanaan susial nang marupakan piduhal panting wahini.[1]
Karya[babak | babak asal-mulanya]
Inya baisi kulihan karya nang bajudul sawagai barikut:
- Ideology and Utopia (1929)
- Man and Society in an Age of Reconstruction (1940)
- Diagnosis of our Time (1943).[1]