Kalimantan Utara

Tumatan Wikipidia Banjar, kindai pangatahuan
Kalimantan Utara
Provinsi di Indonesia
Lambang resmi
Lambang
Motto: 
Banuanta
Peta
Negara Indonesia
Hari jadi25 Oktober 2012
Demografi
 • AgamaIslam 70,97%
Kristen 28,32%
- Protestan 21,10%
- Katolik 7,22%
Buddha 0,65%
Hindu 0,06% (2009)[1]
 • BahasaIndunisia, Dayak, Kutai, Banjar
Dasar hukum pendirianUU No. 20 Tahun 2012
Lagu daerahBabilin
Rumah adatRumah Baloy
Situs webwww.kaltaraprov.go.id

Kalimantan Utara adalah sabuah pruvinsi di Indonisia nang balatak di bagian utara Pulau Kalimantan. Pruvinsi ini barbatasan langsung lawan nagara subalah, yaitu Nagara Bagian Sabah wan Serawak, Malaysia Timur.

<[2]== Hikayat Banjar == Wilayah di Kalimantan sampay Kalimantan Timur bagian utara atawa Karasikan (= Kerajaan Tidung) ujarnya Hikayat Banjar bahari tu temasuk dalam pengaruh mandala Kerajaan Negara Dipa/Kerajaan Negara Daha. Tagal imbah gugurnya Kerajaan Tidung nang digantiakan Kesultanan Bulungan, kemungkinan wilayah ini jadi di bawah pengaruh Kesultanan Sulu atawa Kesultanan Brunei. Tanggal 13 Agustus 1787, Kesultanan Banjar beserta vazal-vazalnya di Kalimantan jadi daerah protektorat VOC Belanda, maka dari itu Kompeni Belanda meolah batas-batas wilayah di Kalimantan berdasarkan batas-batas klaim Kesultanan Banjar dalam Hikayat Banjar yaitu wilayah paling barat adalah Sambas wan wilayah paling timur adalah Karasikan (Kalimantan timur laut). Sekalinya sesuai péta VOC Belanda tahun 1787 saat itu menunjukakan posisi perbatasan jauh lebih ke utara dari perbatasan Kaltim-Sabah wayah naya, marganya bahari nitu Kerajaan Tidung mencakupi semunyaan perkampungan suku Tidung nang ada di wilayah Tawau wan sekitarnya temasuk pulau Sipadan wan pulau Ligitan.

Jajahan Britania[babak | babak asal-mulanya]

Matan tahun 1865, dimulay dari wayah Sultan Brunéi meminjamakan wilayah Kalimantan Utara gasan perusahaan Britania Raya, urang-urang Britania nang banyak bekuasa di sini.

Biar banyak diprotés oleh Walanda, Sepanyol, wan Sarawak, tagal perusahaan North Borneo Chartered Company nang didiriakan tahun 1882 diunjuki hak-hak wan wewénang oleh Sultan Brunéi. Tahun 1888, wilayah ini dijadiakan wilayah naungan (protéktorat) Britania Raya. Sampay ayunganya jadi wilayah jajahan mahkota (wilayah jajahan di mana gubernurnya ditunjuk oleh raja/ratu) British North Borneo (Kalimantan Utara ampun Britania) tanggal 15 bulan 7, tahun 1946 imbah Perang Dunia II.

Wilayah ini diunjuki hak gasan memerintah surang tanggal 31; bulan 8; tahun 1963. Lebih dari dua minggu imbah itu, tanggal 16; bulan 9; tahun 1963, nagara bagian nang wyah naya bengaran Sabah ini begabung lawan Malaya, Sarawak wan Singapura, membentuk Persekutuan Malaysia.

Kantor Gubenur Kalimantan Utara

Persekutuan Kalimantan Utara[babak | babak asal-mulanya]

"Kalimantan Utara" itu istilah nang dipakai jua gasan menyambat The North Borneo Federation, sebuah kesatuan politis nang sawat diusulakan tapi kada sawat bujuran terbentuk. Jaka jadi terbentuk, maka wilayahnya meliputi wilayah-wilayah jajahan Britania yaitu Sarawak, Sabah (British North Borneo) wan wilayah naungan (protéktorat) Brunéi.

Tahun 1956, pemerintah Sarawak, North Borneo, wan Negeri Brunéi mengumumakan bahwa buhannya cagar meninggalakan dolar Malaya imbah itu buhannya akan meambil mata uang buhannya surang. Tapi rencana ini kada suwah terjadi. Persekutuan politis ini suwah diusulakan oleh A. M. Azahari, ini dianggap sabagai alternatif gasan pihak-pihak nang kada hakun umpat begabung lawan Persekutuan Malaysia marganya persekutuan ini dianggap sama haja dijajah pulang oleh Malaya. Imbah kekalahan bubuhan nang pro-demokrasi di dalam Revolusi Brunei, usulan ini kada jadi dilaksana'akan. Jakanya jadi, maka induk banuanya cagar dipilih antara Kuching, Kota Kinabalu, atawa Bandar Seri Begawan nang dari bahari sudah jadi kota utama gasan wilayah Kalimantan Utara.

Prupinsi Borneo saat masa awal kemerdekaan, tahun 1945.

Kalimantan Timur palih Utara[babak | babak asal-mulanya]

Kalimantan Timur bagian Utara atawa nang rancak disingkat Kalimantan Utara (Kaltara) nang sebulujurannya lebih cocok disambat Kalimantan Timur Laut itu ngaran wilayah nang rencananya handak memisahakan diri matan perovinsi Kalimantan Timur.

Kabupatén wan kota nang bepaadh siap umpat lawan perovinsi hanyar ini:

  1. Kabupatin Bulungan
  2. Kabupatin Malinau
  3. Kabupatin Nunukan
  4. Kuta Tarakan
  5. Kabupatin Tana Tidung

Galeri[babak | babak asal-mulanya]

Rujukan[babak | babak asal-mulanya]

  1. ^ http://kaltara.bps.go.id/KDA09/09-5.pdf[permanent dead link]
  2. ^ [[]]