Jambatan Sei Alalak

Jambatan Sungai Alalak ialah jambatan nang tarlatak di atas Sungai Alalak, nang bartampat di Barangas Timur, Kacamatan Alalak, Kabupatin Baritu Kuala, Kalimantan Selatan. Jambatan ngini dirasmiakan ulih Prasidin Joko Widodo pada bulan Septimbir 2021. Jambatan Sungai Alalak ngini dibangun gasan manggantiakan jambatan Kayu Tangi I nang sudah barumur 30 tahun. Jambatan ngini manjadi jalur nang utama kuta Banjarmasin lawan barbagai dairah antara Kalimantan Selatan lawan Kalimantan Tangah. Jambatan ini manjadi aikun hanyar kuta Banjarmasin.

Struktur Jambatan

Jambatan ini baisi struktur jambatan nang malangkung nang panambaian ada di Indunisia. Jambatan Sungai Alalak diulah sapanjang 850 mitir nang tarbagi manjadi jambatan utama sapanjang 130 mitir, jambatan penghendep sapanjang 295 mitir, lawan uprit jambatan sapanjang 425 mitir. Gasan pundasinya ada di kadalaman 75 mitir lawan diamitir pancangnya 1,8 mitir. Jambatan ngini kawa dilalui kendaraan pambaratnya 100 tun, nang pastinya labih kuat daripada jambatan Katu Tangi I. Selain ngitu jambatan ngini diparkiraakan tahan sampai 100 tahun lawan tahan tarhadap Gampa Bumi.

Pambangunan

Pambuatan jambatan ngini mahabis akan duit sakitar Rp 278,4 milyar, duit ngitu barsumber dari Surat Barharga Syariah Nagara (SBSN). Ujar Ibnu Sina Walikuta Banjarmasin biaya ngitu balum tarmasuk kadalam duit pambibasan lahan. Prusis pambuatan jambatan ngini selawas 3 tahun nang dimulai pada tahun 2018 dan salasai pada 4 Siptimbir 2021.