Wadai

Wadai atawa waday makanan ringan nang kahada makanan utama.

Sacara harafiah wadai karap diartikan sabagai makanan ringan nang diulah matan galapung. Baik galapung baras maupun galapung gandum.

Tapi lamun gambung/roti nang diulah matan galapung jua, dibuat pakacualian. Roti/gambung kahada hingga disambat wadai haja marganya di Indunisia bahanu dianggap jua sabagai makanan utama.

Waday karing

Sabuting waday karing

Waday karing teksturnya karas, renyah, wan tahan lawas. Bahasa Inggerisnya cookie atawa biscuit. Karena inya tahan lawas, makanya cocok banar dijadiakan makanan gasan disurungi tamu pas hari raya.

Walaupun waday karing ini turunan dari waday basah, tagal waday karing dalam berbagai variannya mengurangi banyu nang jadi bahan gasan merakatakan bahan-bahan nang lain. Lawas memanggang waday karing menantuakan tèkstur nang dihasilakan. Tegantung handak meolah waday karing nang rényah banar atawa nang masih lembut wayah digigit, adonan waday dipanggang bisa lawas atau setumat.

Waday basah

Waday kelembén ulang tahun

Waday basah umumnya empuk, lambut, dan kada tahan lawas (hanya tahan babarapa hari). Waday basah biasanya kawa tahaga di pasar tradisional di Indunisia. Waday basah nang jadi ketujuan urang Banjar contohnya bingka.

Waday basah nang ngarannya kelembén (Bahasa Inggeris: cake, Bahasa Indunisia; bolu) rancak dijadiakan makanan penutup imbah tuntung makan ganal, khususnya lamun ada acara-acara istiméwa nang kaya kawinan, ulang tahun, hari jadi, dan lain-lain. Banyak banar resép waday kelembén, ada nang téksturnya kaya roti, ada jua nang lembék banar. Sepalih resép kelembén urang Barat bisa aja sudah ratusan tahun umurnya. Musababnya kelembén ni dulu dipakai gasan acara-acara istiméwa, soalnya meolahnya bahari tu lumayan ngalih. Tapi wayah naya sudah banyak alat hanyar nang dihasilakan oleh téknologi modérén nang meolah semunyaan jadi lebih gampang.