Hamid Bahasyim bin Abbas Bahasyim
Hamid Bahasyim bin Abbas Bahasyim atawa nang rancaknya dikiau Habib Basirih, adalah saurang ulama matan Kalimantan Selatan. Inya marupakan katurunan Rasulullah SAW nang hidup pas masa panjajahan Walanda wan pas panjajahan Japang di Banjarmasin. Sidin diranakakan sakitar tahun 1860-an. Inya maninggal wan dikuburakan di Basirih rahat tahun 1949 pas umur sidin sudah labih pada 90 tahun.[1]
Sajarah[babak | babak asal-mulanya]
Habib Basirih diganalakan dalam kaluarga nang alim wan taat baagama. Kahidupannya dipangaruhi lawan abahnya, Abbas Bahasyim, wan jua lingkungan paparak rumah nang baisi kaislaman nang kuat. Imbah sudah pina ganal, inya balajar ka Makkah, inya rakat banar lawan ulama di Sungai Jingah, Jamaluddin al-Banjari. Inya rancak mambantui umat wan maadakan pangajian, malajari ilmu Islam. Pas umur sudah labih 50, inya bamula manyurangan supaya makin parak lawan Tuhan. Habib Hamid babini lawan Gusti Hj. Hamidah wan baisi anak tiga, yaitu Syarifah Ruhayah, Habib Hasan, wan Syarifah Maryam.[2][3]
Karomah[babak | babak asal-mulanya]
Dalam babarapa kisah, Habib Hamid dikisahakan baisi wibawa wan kasaktian nang luar biasa nang kaya maalih banyu nang sing banyakan pakai gayung gasan manyalamatakan kapal nang parak tinggalam, wan jua inya kawa mahidupakan binantang nang sudah mati. Nang paling rancak dikisahakan, inya suah manyubarangi sungai mamakai tanggui rahatan inya handak bailang ka kamanakannya, Habib Batilantang.[3][4]
Jujuhutan[babak | babak asal-mulanya]
- ^ Mansyur, Mursalin. "Habib Basirih dan Surgi Mufti" (PDF). Buku Syiar Islam: 8–9.
- ^ Amalia, Sari Rahmawati (2022-03-23). "BIOGRAFI HABIB HAMID BIN ABBAS BAHASYIM (1856-1949) KEBERADAAN DAN PERAN DALAM SYIAR ISLAM DI KELURAHAN BASIRIH KECAMATAN BANJARMASIN BARAT KOTA BANJARMASIN".
- ^ a b DIA, Yayasan (2019-02-06). "Biografi Habib Hamid bin Abbas Bahasyim". Biografi Habib Hamid bin Abbas Bahasyim (dalam bahasa Inggris). Diakses tanggal 2023-11-29.
- ^ Risa; Studio, Aldiskatel (2022-12-13). "Mengenal 7 Karomah Habib Basirih yang Masyhur di Masyarakat Banjar". Kanal Kalimantan (dalam bahasa Indonesia). Diakses tanggal 2023-11-29.