Gravitasi

Gravitasi atawa gravitas adalah gaya tarik-manarik nang tajadi antara sabarataan partikal nang baisi massa di alam semesta. Gravitasi matahari maakibatakan banda-banda langit baandak pada orbit masing-masing dalam mangitari matahari. Fisika modern manjalasakan gravitasi mamakai Teori Relativitas Umum matan Einstein, tagal hukum gravitasi universal Newton nang tasadarhana merupakan hampiran nang cukup akurat dalam kebanyakan kasus. Di Bumi, gravitasi manyabaabkan benda fisik baisi barat, gravitasi Bulan manyababakan banyu laut pasang laut, wan gravitasi matahari mangakibatakan planet wan baragam ubjik lainnya bagana pada orbitnya masing-masing tata surya. Gaya gravitasi matan materi di ruang angkasa nang ada di alam semesta manyababakan materi nagitu mulai bagarumbung, mambantuk bintang wan manyababakan bintang-bintang nangitu bagarumbung mambantuk galaksi, sahingga kawa disambat struktur barskala ganal dalam alam semesta diciptakan ulih gravitasi. Gravitasi baisi bentang nilai kada terbatas, walaupun efeknya akan samakin malamah seiring suatu objek barjarak semakin jauh.

Sawagai contoh, bumi nang baisi massa nang ganal banar mahasilakan gaya gravitasi nang ganal banar gasan manjuhut banda-banda di paraknya, tamasuk makhluk hidup, wan banda-banda yang ada di bumi. Gaya gravitasi naya manarik banda-banda nang ada di luar angkasa, nang kaya bulan, meteor, wan banda angkasa nang lain, tamasuk satelit ulahan manusia.

Babarapa teori nang balum kawa dibuktiakan manyambatakan bahwa gaya gravitasi timbul marga adanya partikal graviton dalam satiap atom.

Hukum Gravitasi Universal Newton

Hukum gravitasi universal Newton dirumusakan sawagai imbahni:

Satiap massa manjuhut massa titik nang lain lawan gaya sagaris lawan garis nang maraitakan kadua titik. Ganal gaya nangintu babanding lurus lawan parkalian kadua massa nangintu lawan babanding tabalik lawan kuadrat jarak antara kadua massa titik nangintu.

F=G{\frac {m_{1}m_{2}}{r^{2}}}=m_{1}g

F adalah ganal matan gaya gravitasi antara kadua massa titik tersebut

G adalah konstanta gravitasi

m₁ adalah ganal massa titik pertama

m₂ adalah ganal massa titik kedua

r adalah jarak antara kedua massa titik, dan

g adalah percepatan gravitasi =

G{\frac {m_{2}}{r^{2}}}

Dalam Sistem Internasional, F diukur dalam newton (N), m₁ dan m₂ dalam kilogram (kg), r dalam meter (m), dan konstanta G kira-kira sama dengan 6,67 × 10⁻¹¹ N m² kg⁻².

Matan persamaan naya kawa diturunakan pasamaan gasan menghitung barat. Barat sabuting banda adalah hasil kali massa benda nangintu lawan percepatan gravitasi bumi. Pasamaan nangintu kawa ditulisakan sawagai nangintu: $W=mg$ . W adalah gaya berat benda nangintu, m adalah massa wan g adalah percepatan gravitasi. Percepatan gravitasi ini balainan matan asa tempat.

Sajarah teori gravitasi

Revolusi ilmiah

Panalitian modern dalam teori gravitasi ditambai lawan gawian Galileo Galilei di pahabisan abad ka-16 lawan pamulaan abad ke-17. Lawan hasil panaraiannya manggugurakan bal matan Menara Pisa, wan kainahnya jua paukuran bal nang mangunyur melalui kamiringan, Galileo manampaiakan bahwa ganalnya percepatan gravitasi adalah sama gasan sabarataan objek. Hal naya jadi kemajuan ganal matan kaparcayaan Aristoteles sabalumnya nang manyambat bahwa objek nang tabarat baisi palajuan gravitasi nang taganal.^[1] Galileo maulah postulat hambatan udara sawagai alasan objek lawan massa halus kawa gasan gugur tagalai di atmosfer. Hasil gawian Galileo manjadi dasar gasan formulasi teori gravitasi Newton.^[2]

Referensi

^ Galileo (1638), Two New Sciences, First Day Salviati speaks: "If this were what Aristotle meant you would burden him with another error which would amount to a falsehood; because, since there is no such sheer height available on earth, it is clear that Aristotle could not have made the experiment; yet he wishes to give us the impression of his having performed it when he speaks of such an effect as one which we see."
^ Bongaarts, Peter (2014). Quantum Theory: A Mathematical Approach (edisi ke-illustrated). Springer. hlm. 11. ISBN 978-3-319-09561-5. Extract of page 11

Pranala luar

(Bahasa Indonesia) Simulasi gravitasi antar benda di dalam Tata Surya
(Bahasa Indonesia) Percepatan Gravitasi Newton untuk benda berbentuk bola homogen berdimensi N

[1] Galileo (1638), Two New Sciences, First Day Salviati speaks: "If this were what Aristotle meant you would burden him with another error which would amount to a falsehood; because, since there is no such sheer height available on earth, it is clear that Aristotle could not have made the experiment; yet he wishes to give us the impression of his having performed it when he speaks of such an effect as one which we see."

[2] Bongaarts, Peter (2014). Quantum Theory: A Mathematical Approach (edisi ke-illustrated). Springer. hlm. 11. ISBN 978-3-319-09561-5. Extract of page 11

[1]

[2]