Datu Haji Batu
 | |
| Riwayat | |
|---|---|
| Kamatian |
1640  |
| Alkah |
Alkah Sultan Suriansyah |
| Gawian | |
| Gawian |
Ulama (id)  |
 | |
Syekh Abdul Malik (atawa dikenal lawan ngaran Haji Batu) adalah saurang ulama nang hidup di abad ka-16 Masihi wan habis umur waktu tahun 1640 Masihi di wilayah Kasultanan Banjar. Ada nang bapendapat bahuwa inya asalnya matan Samudra Pasai-Acéh mun dilihat matan tulisan makamnya di Kubah Sultan Suriansyah wan mungkin tamasuk ulama nang maajarakan tarekat Naqsyabandiyah. Inya suah balajar di Makkah wan bagana di Martapura. Imbah ngitu, inya bagana di Kuin, Banjarmasin sampai habis umur.[1][2]
Galar "Haji Batu" didapat Syekh Abdul Malik maraga tangannya kawa bakaras nangkaya batu imbah bulik matan Makkah.[1] Ujar Yusliani Noor, pasal ini bakaitan lawan kakuatan zikir Ismun A'zam nang rancak diamalakan lawan bubuhan tarikat Naqsabandiyah nang maucap kalimat "Huwa-Huwa" dalam hati. Huwa atawa Ha-Marbutah (Ha-Kurung) sabagai Lam-Jalallah diyakini kawa malindungakan saurang mukmin matan bamacam-macam bahaya.[2]
Referensi
[babak | babak asal-mulanya]- ^ a b Tim Sahabat (2014). Datu-Datu Terkenal Kalimantan Selatan (edisi ke-8). Kandangan: Penerbit "SAHABAT" Mintra Pengetahuan. ISBN 9786021988374.
- ^ a b Noor, Yusliani (2016). Islamisasi Banjarmasin (Abad ke-15 sampai ke-19). Yogyakarta: Ombak. ISBN 9786022583561.