Cingkaruk Habang

Cangkaruk Habang marupakan wadai nang ba'asal matan Banjar Kalimantan Salatan nang diulah mamakai baras. Habang ujar bahasa bamakna bawarna merah. Warna merah nang di Cangkaruk Habang di karanaakan matan warna gula habang. Gasan sabagian ganal bubuhan urang Indonesia, khususnya bubuhan urang Banjar, baras marupakan kabutuhan pukuk atawa makanan utama. Samantara ngitu, Cangkaruk Habang diulah matan bahan nang tadi, nang bararti Cangkaruk Habang marupakan simbul matan kahidupan manusia.

Paulahan wadai Cangkaruk ini bahannya matan baras katan, sarutan gula habang wan nyiur anum baparut.

Baras lakatan disanga ka dalam rinjing sampai karing, masukakan sarutan gula habang, tambahakan juwa nyiur anum baparut tadi, imbah itu diharu sampai rata masaknya,. imbah itu pulang, angkat wan dingin akan satumat, satarusnya ditumbuk di dalam lasung atawa digiling sampai jadi adunan nang halus, manyatu dan sintal(ba-isi). Setarusnya adunan diulah sakahandak nang dihandaki si nang maulah.^[1]

Rujukan

^ Rahmawati, Neni Puji Nur,. Makna simbolik dan nilai budaya kuliner "wadai Banjar 41 macam" pada masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.

[1] Rahmawati, Neni Puji Nur,. Makna simbolik dan nilai budaya kuliner "wadai Banjar 41 macam" pada masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.

[1]