Cincin (wadai)
 | |
| Asal | |
|---|---|
| Keahlian memasak | Masakan Indunisia |
| Rincian | |
| Jenis | kitihan |
| Metode penyajian |
goreng (id)  |
| Bahan utama |
tepung terigu (id) , Gula habang wan uyah padu |
 | |
Wadai cincin atawa Talinga hindu nitu wadai nang dimasukakan ka dalam tumbung 41 macam wadai urang Banjar nang tuha umurnya.[1]
Di Kabupatin Hulu Sungai Tangah, ada kampung nang dipinandui sabagai pusatnya wadai cincin, yaitu kampung Maringgit wan Muara Rintis nang baandak di pinggir kartak. Saban hari, banyak warga kampung nang bajualan wadai cincin. Wadai cincin nang ada di kampung ini disanga langsung di hadapan wan kawa dimakan wayah masih ladar. Ada dua rasa nang biasanya dijual, yaitu rasa asli (gula habang) lawan barasa durian. Wadai cincin nang dijual di sini tahalus pada wadai cincin nang dijual di wadah lain.[2]
Makna
[babak | babak asal-mulanya]Wadai cincinnya urang Banjar tagas bulat, nangkaya lingkaran. Di bagian dalam wadai nangitu tahaga ampat luang. Kaampat luang di wadai nangitu tagas cicin. Makanya wadai nangitu dingarani wadai cincin. Wadai cincin jadi simbul matan alam subalah. Adanya ampat luang pada wadai nangitu bamakna adanya ampat panjuru mata angin, yaitu timur, barat, utara, wan salatan.[3]
Gasan manusia, ampat panjuru mata angin nangitu artinya tanda kahidupan. Siklus alam tatap bamula matan ampat panjuru nangini. Ampat panjuru nangini dalam kahidupan jua malambangkan kasaimbangan alam sakitar. Salain nitu, diyakinakan jua amun lawan adanya ampat cincin pada wadai nangini sabagai palindung manusia matan urang halus. Urang banjar mayakini bahwa urang halus kada pacangan datang mausik manusia matan kaampat panjuru mata angin,yaitu timur, barat, utara, wan salatan.[3]
Rujukan
[babak | babak asal-mulanya]- ↑ Seman, Syamsiar (2023). Wadai Banjar 41 Macam: Wadai Tradisional Ulahan Urang Banjar. Banjarmasin: Lembaga Pendidikan Banua Banjarmasin. hlm. 15–16. ISBN 978-602-96540-6-0 Periksa nilai: checksum
|isbn=(bantuan). - ↑ "Mencicipi Kue Cincin di Maringgit Kabupaten HST, Penjual Tawarkan Dua Varian Rasa". Banjarmasinpost.co.id (dalam bahasa Indonesia). Diakses tanggal 2023-11-20.
- 1 2 Rahmawati, Neni Puji Nur,. Makna simbolik dan nilai budaya kuliner "wadai Banjar 41 macam" pada masyarakat Banjar Kalsel (edisi ke-Cetakan pertama). Yogyakarta. ISBN 978-602-1228-94-4. OCLC 957057293.