Bidak

Bidak putih.

Bidak atau piun (matan basa Walanda, pion) adalah sabuting matan anam buah catur.

Dalam sabarataan buah catur, tadapat masing-masing walu bidak nang warnanya putih wan hirang, diandak di garis muka matan buah catur lainnya.

Bidak wastu kawa bajalan salingkang ka muka, nang baarti ka ampah barisan musuh, wan kada manyarang buah catur musuh dalam ampah ngini. Dalam lingkang pamulaan, bidak kawa maju 2 kutak wan kadada nang mahawar jalan ngini. Gasan mamakan, bidak musti maambil ampah diagunal sakali. Di higa ngitu, bidak kawa manyarang maumpat garakan husus en passant ("manyilang").

Bidak baisi kamampuan prumusi jua. Amun inya mancapai kutak pauncitan di higa lawan, bidak kawa mamilih buah catur nang sudah tadahulu dimakan lawan, kacawali raja.

Wayah tahun 1700-an, pacatur Parancis Andre Philidor manyambat bidak jadi 'jiwa pamainan catur'. Inya manyadari bahua saupama bidak baisi kamampuan tawatas, bidak rancak kawa manantuakan sipat wan kulih pamainan.