Basa Walanda
Basa Walanda marupakan salah sabuting basa Jermanik Barat nang jua marupakan basa rasmi di Walanda wan jua salah sabuting basa rasmi nang ada di Belgia. Basa ngini jua rancak disambat basa Dutch ulih bubuhan pamandir basa Inggris wan Flemish ulih urang-urang Belgia. Basa Walanda jua dipakai sawagai basa administrasi di Suriname wan di pulau Curacao, Sint Maarten, Aruba, Bonaire, Saba, wan Sint Eustatius. [1]
Sajarah[babak | babak asal-mulanya]
Haratan wayah abad paangahan, basa Walanda disambat sawagai Dietsc atawa Duutsc, nang sacara sajarah sama lawan basa Jerman Deutsch nang sadarhananya baarti "basa masarakat", balaian lawan basa Latin, nang marupakan basa ugama wan balajar. Bantuk Duutsc diinjam matan basa Inggris wan mahasilakan "Dutch" wayahini. Ngaran rasmi basa Walanda adalah Nederlands atawa Netherlandic. Di Walanda, basa ngini jua disambat Holland (Hollandish).[1]
Jujuhutan[babak | babak asal-mulanya]
- ^ a b "Dutch language | Definition, Origin, History, Countries, Examples, & Facts | Britannica". www.britannica.com (dalam bahasa Inggris). 2024-06-07. Diakses tanggal 2024-06-11.