Bakunyung

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Paturaian bakunyung

Bakunyung[1][2] adalah garakan sawayah baungal di banyu, wan bahanu kada pakai pakakas ulahan. Gawian ngini hingkat dimanapaatakan gasan hiburan wan malumbar urat. Bakunyung dipakai parahatan baungal matan sabuah wadah ka wadah lainnya di banyu, mancari iwak, mandi, atawa manggawi ulahraga banyu.

Bakunyung gasan kaparluan hiburan wan paturaian digawi urang di kulam kunyung. Manusia jua bakunyung di sungai, di danau, wan di laut sawagai bantuk hiburan. Ulahraga bakunyung maulah awak wigas marga babaya barataan utut awak dipakai parahatan bakunyung.

Sajarah[babak | babak asal mulanya]

Manusia sudah hingkat bakunyung matan jaman prasajarah, bukti tatuha pasal bakunyung adalah lukisan-lukisan tantang pangunyung matan Zaman Batu sudah ditamuakan di "guha pangunyung" nang baparakan lawan Wadi Sora di Gilf Kebir, Mesir barat daya. Catatan tatuha pasal bakunyung baasal matan 2000 SM. Babarapa di antara dukumin tatuha nang manyambat tantang bakunyung adalah Epos Gilgamesh, Iliad, Odyssey, wan Alkitab (Kitab Yehezkiel 47:5, Kisah Para Rasul 27:42, Kitab Yesaya 25:11), Beowulf, wan hikayat-hikayat lain. Wayah 1538, Nikolaus Wynmann saurang parupisur basa matan Jerman manulis buku pasal bakunyung nang pamuga, Pangunyung atawa Dialog pasal Sani bakunyung (Der Schwimmer oder ein Zwiegespräch über die Schwimmkunst).

Paturaian bakunyung di Irupa dimulai kikira tahun 1800 imbah dibangunnya kulam-kulam bakunyung. Sapalih ganal paumpat rahatan ngitu bakunyung lawan gaya dada. Wayah 1873, John Arthur Trudgen maminanduakan gaya rangkak muhara atawa disambat gaya trudgen dalam paturaian bakunyung di dunia Barat. Trudgen maumpatinya matan tiknik bakunyung gaya bibas suku Indian di Amirika Salatan. Bakunyung adalah salah sabuting cikang ulahraga dalam Ulimpiada Athena 1896. Wayah tahun 1900, gaya balukuk dimasukakan sawagai numur hanyar bakunyung Ulimpiada. Pasatuan bakunyung dunia, Federation Internationale de Natation (FINA) dibantuk wayah tahun 1908. Gaya kukupu nang pamulaannya adalah sabuting macam gaya dada ditarima sawagai sabuting gaya saurangan wayah tahun 1952.

Catatan kaki[babak | babak asal mulanya]

  1. ^ "Laboratorium Kebinekaan Bahasa dan Sastra" (dalam bahasa Indonesia). Jalan Anyar Km. 4, Kompleks IPSC, Citeureup, Bogor, Indonesia: Laboratorium Kebinekaan Bahasa dan Sastra, Pusat Pengembangan Strategi dan Diplomasi Kebahasaan, Badan Pengembangan dan Pembinaan Bahasa, Kementerian Pendidikan dan Kebudayaan. 2019. Diakses tanggal 13 Mei 2019. 
  2. ^ Austronesian Basic Vocabulary Database - Language: Banjarese Malay