Nebula

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
"Tihang panciptaan" matan Nebula Elang. Bukti baasal matan Teleskop SpitzerA mambari kamungkinan bahwa tihang tadi sudah dihancurakan laduman supernova, tapi cahaya tadi manampaiakan bahwa laduman tadi kada sampai ka Bumi salawas sapalihan milenium.[1]

Nebula (baasal matan basa Latin nang baisi arti 'awan' atawa 'kabut'; nebulae, nebulæ atawa nebulas[2][3]) adalah sabuah awan antar bintang matan dabu, hidrogen, helium wan bamacam gas nang taionisasi. Asalnya, istilah ngini dipakai gasan manjalasakan bamacam objek astronomi nang tasabar, tamasuk nang ada di galaksi-galaksi nang jauh pada bima sakti, misalnya pernah jua disambat lawan ngaran Nebula Andromeda (wan galaksi spiral nang umunnya dipinanduu lawan ngaran "nebula spiral" sabalum sifat asli matan galaksi di kunfirmasi pas pamulaan abad ka 20 ulih Vesto Slipher, Edwin Hubble wan lainnya.

Kabanyakannya, ukuran nebula bamacam-macam; ada nang ukuran diameternya batahun-tahun cahaya. Nebula nang kawa dilihat ulih mata manusia di bumi biasanya taganal, tapi kada tatarang mun dilihat parak.[4] Nebula Orion marupakan nebula paling tarang di luar angkasa wan kawa manukupi dua kali lipat diameter sabarataan sudut bulan wan kawa dilihat ulih mata talanjang tapi kada sawat taitihi buhan astronom bahari.[5]

Pambantukan[babak | babak asal mulanya]

Nebula emisi / Dairah H II NGC 604.

Nebula tababtuk matan bamacam hal (wan janisnya bamacam-macam jua). Kabanhakan nebula tabantuk dalam bantuk nebula emisi. Nebula emisi nang baisi gas-gas taionisasu disambat Daerah H II. Nebula nang kaya ngini tabantuk haratan bintang nang hanyar haja tabantuk maionisasi gas nang ada di paraknya sahingga manciptaakan nebula emisi.[6][7] Cuntuh matan Dairah H II adalah Nebula Orion wan NGC 604.

Sisa-sisa nova GK Persei.

Ada jua nebula nang tabentuk amatn laduman Supernova wan Nova. Nebula nang tabantuk matan hasil supernova disambat Sisa-sisa supernova (Supernova Remnant). Cuntuh matan sisa-sisa supernova adalah Nebula Kapiting wan nebula nang tabantuk matan hasil nova disambat Sisa-sisa nova (Nova Remnant). Contoh matan sisa-sisa nova adalah GK Persei (atawa biasa dipinandui sabagai Nova Persei 1901).

Nebula planeter NGC 6302.

Nebula rancak jua tabantuk matan bintang-bintang nang kaya Matahari pas buhannya parak sakratul maut, yaitu tahapan Katai putih. Nebula ngini biasa disambat Nebula planeter. Nebula ngini tabantuk pas bintang nang kaya Matahari kahabisan bahan bakar. Hal ngitu maakibatakan bintang pacangan baganal tarus sampai pahabisannya inya mahampasakan angin bintangnya dalam skala ganal jadinya maulah kahilangan massanya. Angin bintang ngitu kaynanya mambantuk Nebula Planeter wan bintangnya jadi Katai Putih

Ada struktur awan antarbintang nang tabantuk matan Jet Bintang, tapi biasanya kada bastatus Nebula, tapi kawa dianggap sabagai nebula. Ngarannya Ubjek Herbig-haro. Ubjek ngini tabantuk pas sabuting jet matan bintang hanyar diranakakan manabrak materi dingin lalu mmbantuk nebula.[8]


Galeri[babak | babak asal mulanya]

Catatan Batis[babak | babak asal mulanya]

  1. ^ Famous Space Pillars Feel the Heat of Star's Explosion – Jet Propulsion Laboratory
  2. ^ Collins English Dictionary – Complete and Unabridged, 12th Edition 2014. S.v. "nebula." Retrieved November 23, 2019, from https://www.thefreedictionary.com/nebula
  3. ^ The American Heritage Dictionary of Student Science, Second Edition. S.v. "nebula." Retrieved November 23, 2019, from https://www.thefreedictionary.com/nebula
  4. ^ Howell, Elizabeth (2013-02-22). "In Reality, Nebulae Offer No Place for Spaceships to Hide". Universe Today. 
  5. ^ Clark, Roger N. "Visual astronomy of the deep sky". Cambridge University Press. hlm. 98. 
  6. ^ "HII Region - COSMOS". swin.edu.au. Diakses tanggal September 19, 2015. 
  7. ^ "H II region - astronomy - Britannica.com". britannica.com. Diakses tanggal September 19, 2015. 
  8. ^ "Apa itu Objek Herbig-Haro ?". Ancha Astronomi (dalam bahasa Indonesia). 2017-10-06. Diakses tanggal 2017-11-25.