Ahmad Bakrie
| Riwayat | |
|---|---|
| Kalahiran |
Amuntai  |
| Kamatian |
1r Pibuari 2013 (53 tahun (id)  )Banjarmasin |
| Alkah |
Kubah Guru Haji Ahmad Bakeri Punduk Al Mursyidul Amin |
| Agama (id) |
Islam |
| Gawian | |
| Gawian |
Ulama (id) |
| Bagawi di |
Punduk Al Mursyidul Amin Masigit Raya Sabilal Muhtadin |
 | |
Guru Haji Ahmad Bakeri atawa rancak dipinandui Guru Bakeri merupakan susuk ulama kundang Kalimantan Selatan. Sidin diranak akan di desa Manarap Bitin, Kacamatan Danau Panggang, Kabupatin Hulu Sungai Utara, Kalimantan Salatan pada 20 Mai 1959. Inya asalnya matan kulawarga nang sadarhana matan dua laki bini, yaitu H. Imanuddin dan Hj. Sapura dan marupakan anak nang kaampat dari baanam badangsaak.[1]
Pandidikan
[babak | babak asal-mulanya]Tumatan halus sidin sudah hidup sadarhana karna ikunumi nang pasa-pasan kada kaya urang. Tagal Guru Bakeri halus kada bakacil hati, karna sidin hidup dalam kasih sayang kuitan sidin yang cangkal dalam manuntut ilmu agama dan taat dalam spiritualitas lawan Allah swt. Kuitan sidin mandidik sidin badangsanakan lawan didikan agama nang katat karna wayah itu buhan sidin harus rajin sakulah lawan datang ka majelis ilmu.
Guru bakeri dipinandui karna memiliki kapribadian nang jujur, cardas, rajin lawan capatan, sahinggga manggiring sidin ka paringkat kalas tarus wayah sakulah. Sidin mamulai masa balajar di madrasah Ibtidayah Shalatiyah pas di tahun 1967 wayah usia masih 7 tahun. Kamudian malanjut akan pandidikan pulang di madrasah nang sama dan lulus di tahun 1976, imbah tu malanjut akan pulang sakulah ka punduk Pasantrin Darussalam Martapura. dan imbah lulus sakulah ni sidin kamudian maajar di madrasah yang ada di Handil Amuntai kacamatan Gambut. imbah itu pada tahun 1985 sidin nang mamugai mandiri akan Punduk Pasantrin Al-Mursyidul Amin Gambut sakira kakanakan kawa malanjut akan sakulah sampai ka janjang nang labih tinggi lagi.[2] sidin jua imbah lulus sakulah furmal sampat malanjut akan balajar mangaji duduk sampai ka dairah Jawa Timur, tapatnya di dairah Bangil dan baguru wadah Syekh Muhammad Syarwani Abdan al-Banjari nang marupakan ulama ganal nag ada di Kalimantan Selatan.[3]
Salawas sakulah, sidin balajar lawan babarapa ulama nang tarkanal pada wayah itu, nang kaya KH. Muhammad Ramli, KH. Muhammad Arsyad, KH. Mansunia, Tuan Guru H. Amir Haji, Tuan Guru H. Darsi, lawan guru-guru nang lain, salain ngintu inya jua balajar sacara nun fumal lawan Guru KH. Asmuni Danau Panggang (Guru Danau) lawan balajar ilmu nahwu wan sharaf wadah Tuan Guru H. Zainuddin.[4] Guru Bakeri nang masih anum, inya baranggapan amunnya palajaran nang sidin dapat akan wayah mangaji duduk tu bafaidah gasan maulah hati manjadi lamah lambut dan barasih dalam manarima ilmu agama. Ilmu nang kaya ini manurutnya kada akan dapat kita tamu akan amun kita balajar hanya saingkasan sakulah furmal. Sahingga manurutnya, harus jua balajar mangaji duduk.
Inya jua suah balajar lawan Guru Muhammad Zaini Abdul Ghani atawa Guru Sekumpul, nang kaya nahwu wan sharaf, fikih, tauhdi, tafsir, wan tasawuf.[1]
Dakwah
[babak | babak asal-mulanya]Sidin tamasuk ulama yang tarkanal bapagang taguh lawan sambuyan hidup, ujar sidin “bacaramin kitab batungkat akan pingsil”. Maraga sambuyan ini maulah sidin baisi samangat nang malidap-lidap sahingga sapanjang umur sidin, kadada sadikit pun sidin gunakan gasan manggawi nang sia-sia, karna sidin rajin banar muthala’ah palajaran imbah bulikan balajar waktu di sakulah bahari.[5]
Sidin tarkanal ulih masyarakat Banjar khususnya dan masyarakat kalimantan umumnya sabagai saurang ulama nang sangat urganisaturis karna sidin aktif lawan partai pulitik, mangalula Majelis Raya Sabilal Muhtadin (BPMRSM) tahun 2004-2008, mambangun pasantrin dan aktif jua manulis di kuran-kuran lukal.[6] Sabagai pandakwah nang tarkanal di mana-mana maulah sidin banyak bakacimpung dalam maisi majalis taklim di babarapa daerah, nang kaya di sabilal Muhtadin, Gambut, kalimantan Tangah sampai luar Kalimantan salama kurang labih 30 tahunan.
Habis umur
[babak | babak asal-mulanya]
Sidin habis umur wayah hari Jumahat, 1 Pibuari 2013 di RSUD Ulin, Banjarmasin wayah pukul 21:35 WITA.[7] Panguburannya didatangi ribuan palayat matan bamamacam dairah di Kalimantan Selatan, Kalimantan Tengah, wan Kalimantan Timur. Sidin dikuburakan di kumpliks pakuburan Pondok Pesantren Al-Mursyidul Amin Gambut.[8] Waktu inya habis umur, inya maninggalakan saurang bini nang bangaran Hj. Rukayah wan 5 urang anak, yaitu Guru H. Muhammad Rasyid Ridha atawa Guru Rasyid, Hj. Siti Zafirah, H. Muhammad Saman, Muhammad Hasan Al Munawwar, wan Muhammad Syaukan.[9]
Daftar Jujuhutan
[babak | babak asal-mulanya]- ^ a b Tim MUI Kalsel; Tim LP2M UIN Antasari Banjarmasin (2019). Ulama Banjar dari Masa ke Masa (Edisi Revisi). Banjarmasin: Antasari Press. ISBN 9786237665052.
- ^ "Sekilas Manaqib KH. Ahmad Bakri, Gambut - Kalsel". GoresanNews.com (dalam bahasa in). Diakses tanggal 2022-05-27.
- ^ Tim MUI Kalsel; Tim LP2M UIN Antasari Banjarmasin (2019). Ulama Banjar dari Masa ke Masa (Edisi Revisi). Banjarmasin: Antasari Press. ISBN 9786237665052.
- ^ ., Mujiburrahman; Abidin, Muhammad Zainal (2012-08-14). "ULAMA BANJAR KHARISMATIK MASA KINI DI KALIMANTAN SELATAN: Studi Terhadap Figur Guru Bachiet, Guru Danau, dan Guru Zuhdi". Al-Banjari : Jurnal Ilmiah Ilmu-Ilmu Keislaman. 11 (2). doi:10.18592/al-banjari.v11i2.421. ISSN 2527-6778.
- ^ Wahyudi, Tasawuf Kh. Ahmad Bakeri (Studi Ajaran Dan Amalan, Pascasarjana Uin Antasari Banjarmasin, 2019. h. 60
- ^ Syawqi, Ahmad (2017-06-21). "Perilaku Pencarian Informasi Guru Besar UIN Antasari Banjarmasin". Tik Ilmeu : Jurnal Ilmu Perpustakaan dan Informasi. 1 (1): 19. doi:10.29240/tik.v1i1.207. ISSN 2580-3662.
- ^ Guru Bakrie Berpulang - banjarmasin.tribunnews.com
- ^ Penghormatan Terakhir Untuk KH Ahmad Bakrie (Guru Bakrie) - cahayareformasi.com
- ^ Barije, Ahmad (2018). Mengenal Ulama dan Tokoh Banjar. Banjarmasin: CV Rahmat Hafiz Al Mubaraq.