Warik

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
?Warik
Saikung warik buntut panjang (Macaca fascicularis)
Saikung warik buntut panjang (Macaca fascicularis)
Klasifikasi ilmiah
Karajaan: Animalia
Filum: Chordata
Kelas: Mammalia
Ordo: Primata
Upaordo: Haplorrhini
Approximate worldwide distribution of monkeys.
Approximate worldwide distribution of monkeys.
Familia

Cebidae
Aotidae
Pitheciidae
Atelidae
Cercopithecidae

Warik adalah istilah gasan barataan angguta parimata nang lain parusimia (prakera) nang kaya lamur wan tarsius atawa kara, baik nang bagana di Dunia Lawas atawa Dunia Hanyar. Sampai wayah ngini ada 264 janis warik nang hidup di dunia. Kada kaya kara, warik rancaknya babuntut wan ukurannya tahalus. Warik dikatahuani kawa balajar wan mamakai alat gasan manulunginya bacari makan.

Pangalumpukan warik basipat parapilitik, marga warik Dunia Lawas (Cercopithecoidea) sabujurnnya labih parak kula ginitiknya wan kara (Hominidae), daripada warik Dunia Hanyar (Platyrrhini).

Warik pangganalnya adalah mandrill. Babarapa warik dalam basa saban hari rancak dingarani kara.

Babarapa warik sudah dimanapaatakan manusia gasan binatang inguan atawa binatang gasan manulungi gawian saban hari. Warik buntut panjang (Macaca fascicularis) adalah binatang nang parancaknya rakat lawan manusia wan rancak diharagu sabagai binatang inguan, binatang sirkus, atawa cucubaan laburaturium. Inya jua parimata panambaian nang suah ka luar angkasa. Warik diharagu di babarapa wadah di Sumatra wan Malaya dilatih gasan mamutik nyiur.

Warik di hutan gunung Bunder mangguyangi puhun wayah tangah hari, baluncatan matan sabuting dahan ka dahan nang lain wan mandam amun ada pandaki gunung nang lalu. Di situ warik hidup bahigaan lawan macan akar wan ular. Di Sumatra Barat, pasnya Danau Maninjau, hutil basabalahan dibangunnya lawan hutan wan warik kawa nyaman manaiki puhun wan masuk palataran hutil parak kulam bakunyung. Di jalanan naik turun ka ampah Danau Maninjau, warik-warik sakahandak kasana kamari wan kaya mahadangi makanan nang ditawaki ulih bubuhan tamu.

Klasipikasi[babak | babak asal mulanya]

Barikut ngini adalah daptar kaluarga warik berdasrkan klasipikasi primata nang masih hidup.

Galiri[babak | babak asal mulanya]

Tilik Jua[babak | babak asal mulanya]

Pranala luar[babak | babak asal mulanya]