Urang utan

Tumatan Wikipidia Banjar, kindai pangatahuan
(Diugahakan matan Uranghutan)
?Uranghutan[1]

Satatus palastarian
Klasifikasi ilmiah
Karajaan: Animalia
Filum: Chordata
Kelas: Mamalia
Ordo: Primata
Famili: Hominidae
Upafamili: Ponginae
Elliot, 1912
Genus: Pongo
Lacépède, 1799
Tipe spesies
Simia pygmaeus
Linnaeus, 1760
Distribusi Orang utan
Distribusi Orang utan
Spesies

Pongo pygmaeus
Pongo abelii

Urang hutan (atawa mawas), warik ganal nang tangannya panjang wan babulu habang atawa suklat, hidup di hutan-hutan tropika Indunisia wan Malaysia, nang iyanya di Pulau Kalimantan wan Sumatra.[2] [3]

Ciri-ciri[babak | babak asal-mulanya]

Istilah "urang hutan" diambil matan basa Indunisia, artinya manusia (urang) hutan. Urang hutan ada dua macam spesies: urang hutan Sumatera (Pongo abelii) wan urang hutan Kalimantan (Borneo) [Pongo pygmaeus].[4] Urang hutan masih tamasuk mamarina manusia, di hitungan kingdom animalia, DNA-nya 96,4 %[5]

Ciri-Ciri[babak | babak asal-mulanya]

Awaknya lamak, ganal, gulunya ganal jua. Tangannya panjang, kuat, batisnya handap, tatunduk, tagal kadada buntut-nya.[6] Tingginya kikira 1,25 - 1,5 dapa. [7] Awaknya babulu habang kasuklatan.[3] Kapalanya ganal, muntungnya tinggi[6]

Rahat sampai umurnya kawin, urang hutan nang laki baganal palipisnya ubun-ubun, rambutnya bapanjang wan bajanggut.[8] Inya baisi pangrasa jua indera, sama kaya manusia, kawa mandangar, malihat, mancium, bakicap wan manjapai.[6]

Barat awak urang hutan nang laki kikira 50-90 kilu, nang bini kikira 30-50 kilu.[7], 4 lapak tangannya bajari panjang, wan 1 ibu jari.[6] Jari-jari di lapak batisnya sama kaya ampun manusia.[6]

Urang hutan tamasuk warik ganal nang kaya gorila wan simpanse.[4] Tamasuk warik ganal nang hitungan klasifikasi mamalia. Ukuran utaknya ganal, mata hadap muka, tangannya kawa mangganggam.[4]

Klasipikasi[babak | babak asal-mulanya]

Urang hutan tamasuk satua vertebratanang batulang balakang.[rujukan?] Urang hutan tamasuk satua mamalia wan primata.[rujukan?]

Bamacam urang hutan[babak | babak asal-mulanya]

  1. Ada 2 macam urang hutan: urang hutan Kalimantan (Borneo) (Pongo pygmaeus) wan '''urang hutan''' Sumatera (Pongo abelii).[9]
  2. Katurunan urang hutan Sumatera wan Kalimantan mulai ubah matan 1,1 - 2,3 juta tahun bahari.[9]
  3. Subspecies
    • Ada 3 macam urang hutan Kalimantan: P.p.pygmaeus, P.p.wurmbii, P.p.morio.[9] Awaknya asing-asingnya sasuai lawan wadahnya badiam.[9]
    • Urang hutan Kalimantan Tengah (P.p.wurmbii) ada di Kalimantan Barat wan Kalimantan Tengah.[9] Ni tamasuk nang nang taganal.[9]
    • Urang hutan di Timur Laut Pulau Kalimantan (P.p.morio) ada di Saba wan banua Kalimantan Timur.[9] Awaknya tahalus[9].
    • Urang hutan nang asli Kalimantan ada kawa dipinandui lagi.[9]

Wadah badiam[babak | babak asal-mulanya]

Urang utan di Taman Nasional Kutai

Urang hutan diam di hutan hujan tropis Asia Tenggara, di Pulau Kalimantan wan Sumatera, di Indunisia wan Malaysia.[rujukan?] Biasanya diam di puhun tinggi nang labat daunnya, sarangnya daun.[rujukan?] Urang hutan kawa hidup di hutan karuing, gunung, di dataran randah, Dairah Aliran Sungai, di hutan rawa banyu hambar, rawa gambut, di rawa hutan bakau wan nipah, sampai di gunung.[rujukan?]

Di Kalimantan, urang hutan kawa hidup 500 dapa di atas muka laut (dpl). Mamarinanya nang di Sumatera kawa hidup di gunung nang tingginya 1.000 dapa dpl.[rujukan?] Urang hutan Sumatera tamasuk satua binatang endemis nang ada di Sumatera haja.[rujukan?] Urang hutan Sumatera badiam di utara pulau haja, matan Timang Gajah, Aceh Tengah sampai Sitinjak di Tapanuli Selatan.[rujukan?] Satua ni dilindungi Undang-undang Numur 5 tahun 1990 masalah Konservasi Sumbar Daya Alam Hayati wan Ekosistemnya, tamasuk satua nang dianggap IUCN sudah Critically Endangered.[10]

Di Sumatera, macam-macam urang hutan ada di Dairah Aliran Sungai (DAS) Batang Toru, Sumatera Utara.[rujukan?] Jumlah urang hutan liar di Sumatera kikira 7.300[11]. Di DAS Batang Toru, 380 ikung, jumlahnya kikira 0,47 - 0,82 ikung saban pal2. Jumlah urang hutan Sumatera (Pongo abelii lesson) kikira tinggal 7.500 ikung.[rujukan?] Padahal, tahun 1990-an, ada 200.000 ikung.[rujukan?] Inya bagana ada di wadah nang lain-lain.[rujukan?] Marga itu, hidupnya sasain ngalih, banyak nang hilang atawa matian.[1] Archived 2007-09-29 at the Wayback Machine

Rujukan[babak | babak asal-mulanya]

  1. ^ Groves, Colin (2005-09-16). Wilson, D. E., dan Reeder, D. M. (eds), ed. Mammal Species of the World (edisi ke-idisi katalu). Johns Hopkins University Press. hlm. 183–184. ISBN 0-8018-8221-4. 
  2. ^ (Bahasa Inggris)National Geographic
  3. ^ a b (Bahasa Inggris)Red Ape[permanent dead link]
  4. ^ a b c (Bahasa Inggris)Orangutan Foundation
  5. ^ Kasalahan pangutipan: Tag <ref> tidak sah; tidak ditemukan teks untuk ref bernama SOS
  6. ^ a b c d e (Bahasa Inggris)Senses
  7. ^ a b (Bahasa Inggris)Orangutans
  8. ^ (Bahasa Inggris)Biologi urang utan[permanent dead link]
  9. ^ a b c d e f g h i (Bahasa Inggris)Spesies[permanent dead link]
  10. ^ (Bahasa Inggris)IUCN
  11. ^ Requested 10th January 2007; Submitted 27th January, Launched February 6th 2007. Nellemann, C., Miles, L., Kaltenborn, B. P., Virtue, M., and Ahlenius, H. (Eds). 2007. The last stand of the urangutan – State of emergency: Illegal logging, fire and palm oil in Indunisia’s national parks. United Nations Environment Programme, GRID-Arendal,Norway, www.grida.no. ISBN 978-82-7701-043-5

Pranala luar[babak | babak asal-mulanya]

Galeri[babak | babak asal-mulanya]