Tukang titik
Tukang panitikan atawa pandai panitikan adalah urang nang gawiannya maulah alat-alat matan wasi atawa waja, kaya alat-alat bahuma: cangkul, harit, parang, kapak, lading, wan lain-lain. Saikung tukang panitikan sacara taradisiunal rancaknya ada di parak pasar-pasar atau pasar binatang, tampat bakumpulnya bubuhan patani di kampung.
Gasan mamanasakan wasi, dipakai parapian, kawa matan harang kayu jati atawa kayu mahing lainnya, sakira panas nang dikulihakan kawa bagus. Gasan lapik wayah handak mambantuk wasi, dipakai paron. Suwalih maulah alat, saikung tukang panitikan kawa jua maasah alat nang lawas sakira landap pulang.