Sultan Hidayatullah
| Sultan Hidayatullah I | |
|---|---|
| Panambahan Batu Irang | |
| Masa kakuasaan | 1570-1595 |
| Pandahulu | Sultan Rahmatullah |
| Pangganti | Sultan Mustain Billah |
| Pasangan | Putri Nur Alam binti Pangeran Di-Laut anaknya Tuan Khatib Banun anaknya Kiai Di-podok |
| Wangsa | Dinasti Banjarmasin |
| Abah | Sultan Hidayatullah I |
Sultan Hidayatullah I[1][2]bin Sultan Rahmatullah adalah Raja III Kasultanan Banjar nang memerintah antara 1570-1595. Sidin menggantikan ramanya Sultan Rahmatullah (Raja II Kesultanan Banjar). Limbah sumalah sidin digalar Panambahan Batu Irang atawa Sunan Batu Irang, marga batu-batu nang manukupi makamnya berwarna hirang . Sidin katuju banar memperdalam syiar agama Islam. Pembangunan masjid dan langgar (surau) sudah banyak ditajak dan berkembang pesat sahingga buncu-buncu banua. Sidin ada mamparistri anaknya Khatib Banun, sa'ikung mantri Kasultanan Banjar nang ba'asal matan bubuhan Urang Biaju. Ia dimakamkan di Komplek Makam Sultan Suriansyah nang ba'andak di Kalurahan Kuin Utara, Kacamatan Banjarmasin Utara, Kuta Banjarmasin.
Dalam Buku 323 Sajarah Dinasti Ming (1368-1643), mamadahakan bahua anak-anak Sultan Hidayatullah I bajumbelah 31 urang. Anak panuhanya yaitu Pangeran Senapati mangganti sabagai Sultan Banjar. Anak nang lainnya Gusti Nurasat manikah lawan Surang nang digalari Nanang Sarang, seurang panglima perang urang Biaju.[2]
Beliau mempunyai saudara sebanyak 2 urang yaitu :
- Pangeran Demang
- Raden Zakaria
Kutipan Hikayat Banjar[babak | babak asal-mulanya]
| “ | Maka Sultan Hidayatullah itu baristri anak Pangeran di Laut, barnama Putri Nur Alam; itu barjadian sakali. Sudah itu mangambil anak Kiai di Podok, itu dikawini. Sudah itu mangambil anak tuan khatib Banun, itu dikawini. Sudah itu mangambil anak malarap akan gundik urang ampat puluh. Adapun anak Kiai di Podok nang laki-laki sa'urang namanya Kiai Wangsa, nang sa'urang lagi barnama Kiai Warga itu. Kaduanya itu manjadi manteri itu, hampir Sultan Hidayatullah. Tetapi itu martabatnya di bawah Kiai Anggadipa itu, saparti Kiai Jagabaya, Kiai Kanduruan, Kiai Lurah Sanan - kamanakan Kiai di Podok itu - di bawah martabat Kiai Anggadipa itu. Jangankan sagala manteri, Raden Zakaria, Pangeran Damang itu pun tiada barani malalui parintahnya Kiai Anggadipa itu; tiada barsalahan dangan hadis dalil sarta panggar kutara itu. Dan takhta karajaan itu masih astilah dahulu jua itu, tiada barubah itu. Banyak lagi tiada tarsebut. Kamudian daripada itu maka Sultan Hidayatullah itu baranak sa'urang-sa'urang itu nang partama, laki-laki, barnama Raden Senapati itu, baranak lawan anak tuan khatib Banun. Sudah itu Sultan Hidayatullah baranak lawan anak Pangeran di Laut, laki-laki sa'urang barnama Raden Subamanggala. Sudah itu Sultan Hidayatullah itu baranak lawan anak Kiai di Podok itu dua urang, laki-laki nang tua barnama Raden Bagus dan nang parampuan barnama Putri Hayu. Sudah itu Sultan Hidayatullah baranak lawan sa'urang pula, barnama Raden Rangga-Kasuma, Raden Aria Papati, Raden Aria Waningpati, Raden Aria Sagara, dan Raden Aria Panular, Raden Kalayar, Raden Kakabun, Raden Panangguk. Sakaliannya itu barlain ibunya; ia itu sama bartinggal anak cucu. Anak Sultan Hidayatullah nang parampuan Gusti Cangkuk mati tiada baranak, Gusti Hajang mati tiada baranak, Gusti Busu itu barlaki lawan priayi Giri barnama Ki Mas Barap; itu mati ada bartinggal anak-cucu. Gusti Nurani mati tiada bartinggal anak-cucu. Adapun sakaliannya anak Sultan Hidayatullah, laki-laki dan parampuan, ampat puluh urang itu - Raden Sumandi, Raden Patampika, Raden Pambayun itu; ada nang mati sudah baristeri, ada nang mati balum baristeri, ada nang mati sudah barlaki, ada nang mati balum barlaki, anak Sultan Hidayatullah itu jumlahnya ampat puluh urang itu. Barmula saudara sultan itu baranak sa'urang parampuan itu nang tua, barnama Putri Julak; nang panangah laki-laki barnama Raden Gulu, laki-laki pambusu barnama Raden Warjo. Sudah itu Sultan Hidayatullah barwarang lawan Pangeran Damang. Putri Julak dijadikan lawan Raden Senapati lalu digalar Pangeran Senapati. Raden Gulu dijadikan lawan anak sultan itu barnama Gusti Hajang itu. Sudah itu maka Raden Bagus digalar dinamai Ratu Bagus. | ” |
Lihat jua[babak | babak asal-mulanya]
Rujukan[babak | babak asal-mulanya]
- ^ "Regnal Chronolgies Southeast Asia: the Islands". Diarsipkan dari versi asli tanggal 2018-01-11. Diakses tanggal 2010-12-02.
- ^ a b (Citakan:ISO 639 name ms) Johannes Jacobus Ras, Hikayat Banjar diterjemahkan oleh Siti Hawa Salleh, Percetakan Dewan Bahasa dan Pustaka, Lot 1037, Mukim Perindustrian PKNS - Ampang/Hulu Kelang - Selangor Darul Ehsan, Malaysia 1990.
| Didahului ulih: {{{before}}} |
Sultan Banjar 1570-1595 |
Digantiakan ulih: {{{after}}} |
