Sambahyang Tarawih
Sambahyang Tarawih adalah sambahyang sunah nang digawi husus wastu wayah bulan Ramadan. Tarawih dalam basa Arap adalah bantuk jamak matan تَرْوِيْحَةٌ nang diartiakan sawagai "waktu satumat gasan istirahat". Waktu panggawian sambahyang sunah ngini adalah imbah sambahyang Isa wan rancaknya digawi sacara bajamaah di masigit wan langgar. Rasulullah Muhammad saw. wastu suah manggawinya sacara bajamaah dalam talu kali pilawang. Hadis manyambat bahua rasulullah saw. imbahnya kada manyambung wayah malam-malam kainanya marga takutan sambahyang Tarawih kalu pina diwajipakan gasan umat muslim.