Bahasa Arap
Bahasa Arap (اللغة العربية al-lughah al-‘Arabīyyah), atawa gampangnya Arab (عربي ‘Arabī), nangini sabuting basa rumpun Semitik nang mancungul matan banua nang wayahini tamasuk wilayah Arap Saudi. Basa arap ngini basa nang paling ganal, amun di tiring matan nang mamandirakan di dalam kulawarga basa Semitik. Bahasa ngini di pandirakan urang sampai limpat pada 280 juta ikung urang gasan bahasa panambaian (indung), [4] nang mana bubuhannya ni tabanyak badiam di Timur Tengah lawan Afrika Utara. Bahasa ngini rasmi di pakai di 25 Nagara, wan jua gasan bahasa rahatan ba ibadah dalam agama Islam, ulihnya bahasa nang dipakai oleh Alquran wan sabubutingannya bahasa nang di sambat dalam Alquran.[5] Amun di tiring matan hamburan kahinipannya (penyebaran geografisnya), bahasa Arab pamandiran banyak banar variasinya (dialek), kaputingannya sama-sama urang Arab ada nang kada rasuk bapandir. Bahasa Arab nang hanyar sudah diklasifikasikan sabuting makrobahasa nang di dalamnya ada 27 subbahasa lawan ISO 639-3. Bahasa Arab Baku (wayahanu di sambat Bahasa Arab Sastra) dilajarakan secara luas di sakulahan wan kuliahan, imbah tu jua, di gawian (wadah bacari), , pamarintahan, wan media massa. Bahasa nangini masih tarait (sabuku) lawan basa Ibrani wan basa Aram. Bahasa-basa ini dituturakan di saluruh Dunia Arap, sadangkan Bahasa Arap Baku dikatahui di saluruh Dunia Islam. Wayah Abad pananangahan bahasa Arab jua gasan alat utama budaya, nang paiyanya dalam sains, matematika, wan filsafat, nang maulah banyak bahasa urang Eropa umpatan mainjam banyak kosakata matan bahasa Arab. Bahasa Arap Hanyar (modern) ba'asal matan Bahasa Arap Klasik Sabubutingannya warna (anggota) rumpun bahasa Arabia Utara Kuno nang saat ini masih digunakan, nangkaya kawa kita janaki (itihi bujur-bujur) prasasti paninggalan Arab pra-Islam nang asalnya matan abad ka-4.[6] Bahasa Arab klasik jua sudah manjadi basa kasusastaraan dan basa liturgi Islam tumatan labih kurang abad ka-6. Abjad Arap ditulis matan kanan ka kiwa.
Panderan dan Pengajian Bahasa Arap[babak | babak asal-mulanya]
Bahasa arap ujarnya jar bahasa nang paling ngalih setelah bahasa prancis jar, sualnya basanya ngalih banar, banyak banar tasripannya, nahwu shorofnya jar ngalih jua dipahami, tapi banyak banar jua dari banua kita urang banjar nang menguasai bahasa arap, dan baca kitab.
Banyak banar nang ahli bahasa banjar dari banua banjar, lancar banar bepanderan bahasa banjar lawan jua ahli banar pengajian bahasa banjar, diantara paguruan nang mengajarkan pengajian bahasa banjar adalah, Guru Syarwani Abdan, Guru Sekumpul
Isim[babak | babak asal-mulanya]
Awal mula kita belajar mengaji bahasa arap kaya ini caranya, nang pertama kita belajar dulu apa itu isim, pi'il lawan huruf, isim ngitu kata benda, nang kaya
مسجد،كوب،إزار
Isim nang muprod[babak | babak asal-mulanya]
Isim nang muprod ngitu nang manunjukkan makna sebuting benda haja
Isim nang Musanna[babak | babak asal-mulanya]
Isim nang musanna ngitu isim nang menunjukkan makna dua haja
Isim nang Jamak[babak | babak asal-mulanya]
isim nang jamak ngitu isim nang menunjukkan makna 3 lawan salabihnya
Bemacam Macam Isim nang lainnya[babak | babak asal-mulanya]
bemacam macam isim nang lainnya ngitu masdar, isim makan yaitu isim nang baisi makna tempat, isim zaman yaitu isim nang baisi makna zaman.
Pi'il[babak | babak asal-mulanya]
Pi'il ngitu kata gawian, nang artinya membarii arti gawian lawan ada makna waktunya.
Pi'il Madhi[babak | babak asal-mulanya]
Pi'il Madhi ngitu Pi'il nang baisi makna dulu
Pi'il Mudhori[babak | babak asal-mulanya]
Pi'il Mudhori ngitu Pi'il nang baisi makna wahini lawan nang dudi
Pi'il Amar[babak | babak asal-mulanya]
Pi'il Amar ngitu Pi'il nang baisi makna suruhan
Rujukan[babak | babak asal-mulanya]
- ^ Procházka, 2006.
- ^ Ethnologue (1999)
- ^ Wright, 2001, p. 492.
- ^ Procházka 2006.
- ^ Surah Yusuf ayat 2
- ^ Versteegh, Kees (1997), The Arabic Language, hlm. 33. Edinburgh University Press, ISBN 90-04-17702-7
