Saberan bin Kaderi
| Riwayat | |
|---|---|
| Kamatian |
14 Marit 1970 (60/70 tahun (id)  ) |
| Alkah | Kubah Guru Haji Saberan Kacil bin Haji Kaderi |
| Agama (id) | Islam |
| Gawian | |
| Gawian |
Ulama (id) |
 | |
Saberan bin Kaderi atawa nang rancak dikiau Guru Saberan Kacil, adalah saurang ulama tasawuf nang tiba matan Kalimantan Salatan. Sidin lahir di Alabio, Amuntai, Kalimantan Selatan wayah tahun 1900 wan habis umur wayah tanggal 14 Marit 1970.[1]
Kahidupan awal
[babak | babak asal-mulanya]Sidin suah balajar di Makah wayah umur 15 tahun wan 27 tahun kainanya inya bulik ka Alabio gasan maajarakan ilmu ka masyarakat. Parak Indunisa mardika pada tahun 1945, sidin pindah ka Banjarmasin gasan maajarakan ilmunya jua sagan masarakat.[1]
Waktu kadatangan Walanda imbah Indunisa mardika, Sidin suah dipanjara ulih bubuhan NICA. Waktu sidin dipanjara, sidin tadapat lawan Guru Idham Chalid lawan bubuhan panghuni panjara lainnya. Waktu di panjara, Guru Saberan Kacil maajarakan ilmunya sampai suah mambarii wafak lawan bubuhan panghuni panjara lainnya.[1]
Malawani aliran nang basalahan
[babak | babak asal-mulanya]K.H. Saberan Kacil tapandang maraga sidin manantang ajaran nang ada dalam kitab tasawuf Al-Durr al-Nafis. Wayah tahun 1930-an sampai 1960-an, Sidin badua lawan Muhammad Khalid Tangga Ulin baisi pandangan bahwa kitab nang ada ini baisi kasalahan nang ujungnya bisa maulah sasat umat Islam.[2][3] Sidin jua suah malawan aliran nang basalahan lawan ajaran Islam, nang mana aliran ngitu maajarakan bahwa imbah urang mandapat ilmu hakikat, urang ngitu kada usah baibadat wan manjalanakn syariat nang kaya sumbahyang, puasa, haji, wan lainnya. Waktu malawan aliran ngitu, sidin jua suah mambawai pamarintah wan tantara nang kaya Brigjend Hassan Basry wan lainnya.[1]
Pamakaman
[babak | babak asal-mulanya]Magun diranakakan di dairah Hulu Sungai Utara, tatapi waktu sidin maninggal, Guru Saberan Kacil dipatak jauh matan kampung karanakan sidin. Sidin dipatak di Kalurahan Teluk Dalam, Banjarmasin Tengah, Banjarmasin, Kalimantan Selatan.[4]
Jujuhutan
[babak | babak asal-mulanya]- 1 2 3 4 Barije, Ahmad (2018). Mengenal Ulama dan Tokoh Banjar. Banjarmasin: CV Rahmat Hafiz Al Mubaraq.
- ↑ Rahmadi, S.Ag., M.Pd.I, Drs. H. M. Husaini Abbas, Drs. Abd. Wahid (2022). "ISLAM BANJAR: DINAMIKA DAN TIPOLOGI PEMIKIRAN TAUHID, FIQIH DAN TASAWUF" (PDF). IAIN Antasari Press: 121.
- ↑ Putra .A, I. Kadek (2022-01-01). "Guru Saberan Kacil bin H. Kaderi".
- ↑ "Makam KH.Saberan Kecil Bin H.Kaderi - Jl. Mayjen Sutoyo S No.16, Tlk. Dalam, Kec. Banjarmasin Tengah, Kota Banjarmasin, Kalimantan Selatan 70117". bkppkutim.com. Diakses tanggal 2023-12-02.