Putu mayang
 Sapiring Putu mayang | |
| Huaran | Wadai basah |
|---|---|
| Banua asal | Indunisia |
| Dairah | Kalimantan Salatan wan wadah ganaan urang Banjar nangkaya di Kalimantan Timur, Kalimantan Tangah sampai ka Tambilahan, Riau. |
| Masakan nasiunal tarait | Indunisia |
| Diulah ulih | Suku Banjar |
| Suhu panyajian | Hangat wan dingin |
| Bahan utama | Galapung baras, galapung kanji, santan, gula habang, gula putih |
| Bahan nang umum dipakai | Daun pandan, galapung jagung duwa uyah |
Putu mayang ialah wadai tradisiunal di Indunisia, nang asalnya hidangan paranakan matan India wan imbah itu manyabar ka Asia Tunggara.[1] Putu mayang rancak dimahiripakan lawan puracit, tagal nang maulah lain amun Putu mayang kuahnya mamakai santan, amun kuah Puracit bagula habang haja.[2] Wadai nangini dingarani putu mayang maraga inya lunjuran-lunjurannya nangkaya mayang maurai. Mamakan putu mayang musti dikuahi lawan juruh atawa banyu gula habang nang dijarang lawan santan wan ditambahi uyah saikit.[3]
Di Indunisia, wadai naya marupakan ampun makanan urang Betawi.[4] Tagal, muasal wadai naya luku tarait lawan wadai putu mayam nang tiba matan India bagian Salatan. Kaduduanya baisi tagas galapung kanji atawa galapung baras nang dicitak mahiripi gumpalan mi. Tagal juwa, putu mayang di Indunisia balain saikit pada putu mayam matan India nang juwa tahaga di Sri Lanka, Malaysia, wan Singapura. Gumpalan putu mayang Indunisia lebih menyatu wan kandal lawan ukuran gumpalan nang tahalus, pahadangan nitu putu mayam India baisi halaian nangkaya mi nang tahalus duwa ukuran talibar.
Putu mayang juga dipinandui lawan urang Malayu nang badiam di Kapulauan Riau gasan makanan wayah bulan puasa, kikimulan atawa wayah saruan bapangantinan.[5]
Bahan wan cara baulah
[babak | babak asal-mulanya]Bahan utama putu mayang yaitu galapung baras, banyu santan, galapung kanji, wan gula sakar. Cara maulahnya, samunyaan nitu diudak sampai rata dalam wadah nang sudah ditanggar di atas api. Imbah adunan nitu sudah likat, dibangkit hanyar didinginakan.[3]
Ambil citakan putu mayang nang banyak luangnya, nang diulah matan seng atawa aluminium. Luang-luangnya nitu halus kaya talus jarum. Kamiran likat tadi dipingsar ka dalam citakan, hanyar kaluaran di bawah lunjuran-lunjuran putu mayang. Di bawah nitu sudah ditanai lawan daun pisang nang dipaliti minyak lamak.[3]
Putu mayang nitu diulah, satuyuknya bulat kikira ampat jari. Amun dirasa masih mantah, langsung dikukus sampai masak.
Jujuhutan
[babak | babak asal-mulanya]- ↑ K. T. Achaya (November 2003). The Story of Our Food. Universities Press. hlm. 80. ISBN 81-7371-293-X.
- ↑ "Cara Membuat Puracit, Kue Putu Mayang Legit Asal Banjar". bestie.suara.com. 5 Siptimbir 2023. Diakses tanggal 21 Nupimbir 2023. [permanent dead link]
- 1 2 3 Seman, Syamsiar (2023). Wadai Banjar 41 Macam: Wadai Tradisional Ulahan Urang Banjar. Banjarmasin: Lembaga Pendidikan Banua Banjarmasin. hlm. 35–36. ISBN 978-602-96540-6-0 Periksa nilai: checksum
|isbn=(bantuan). - ↑ "Kue Putu Mayang, Kuliner Khas Betawi Yang Langka". merahputih.com. Diarsipkan dari versi asli tanggal 2016-03-06. Diakses tanggal 5 Marit 2016.
- ↑ Setiadi, Dwi. Tata Saji Hidangan Melayu pada Peringatan Hari-hari Besar Islam si Pulau Penyengat. Penelitan, Departemen Pendidikan Nasional Direktorat Jenderal Kebudayaan Balai Kebudayaan Kajian Sejarah dan Nilai Tradisional Tanjungpinang
 | Artikal batupik makanan ngini sabuting rintisan. Pian kawa mangganii Wikipidia lawan cara mangambangakannya. |