Pancasila
.jpg)
Pancasila adalah idiulugi pandal gasan nagara Indunisia. Ngaran ngini batajak matan dua kata basa Sansekerta: pañca baarti lima wan śīla baarti asas. Pancasila adalah rumusan wan paduman kahidupan babangsa wan banagara gasan sabarataan rakiat Indunisia.
Lima idiulugi tatambaian panyusun Pancasila adalah ketuhanan Yang Maha Esa, kemanusiaan yang adil dan beradab, persatuan Indonesia, kerakyatan yang dipimpin oleh hikmat kebijaksanaan dalam permusyawaratan/perwakilan, dan keadilan sosial bagi seluruh rakyat Indonesia, wan tacantum di alinia ka-4 Preambule (Pambukaan) Undang-Undang Dasar 1945.
Sama sakali tajadi parubahan isi wan urutan lima sila Pancasila nang balangsung dalam babarapa tahap salawa masa parumusan Pancasila wayah tahun 1945, tanggal 1 Juni diparingati baimbai sawagai hari ranaknya Pancasila.
Sajarah parumusan wan ranaknya Pancasila
[babak | babak asal-mulanya]
Wayah tanggal 1 Marit 1945 dibantuk Badan Penyelidik Usaha Persiapan Kemerdekaan Indonesia nang dikatuai ulih Dr. Kanjeng Raden Tumenggung (K.R.T.) Radjiman Wedyodiningrat. Dalam pidatu pambukaannya, dr. Radjiman antara lain maajuakan takunan gasan angguta-angguta Sidang, "Apa dasar Nagara Indunisia nang cagar kita ulah ngini?"[1]
Dalam upaya marumusakan Pancasila sawagai dasar nagara nang rasmi, tadapat usulan-usulan paribadi nang dikamukaakan dalam Badan Penyelidik Usaha Persiapan Kemerdekaan Indonesia yaitu:
- Lima Dasar ulih Muhammad Yamin, nang bapidatu wayah tanggal 29 Mai 1945. Yamin marumusakan lima dasar sawagai ngini: Peri Kebangsaan, Peri Kemanusiaan, Peri Ketuhanan, Peri Kerakyatan, wan Kesejahteraan Rakyat. Sidin manyataakan bahua kalima sila nang dirumusakan ngitu bacikang matan sajarah, paradaban, agama, wan hidup kasimpunnagaraan nang sudah lawas bakambang di Indunisia. Mohammad Hatta dalam catatannya aasaan lawan pidatu Yamin ngitu.[2]
- Panca Sila ulih Soekarno nang dikamukaakan wayah tanggal 1 Juni 1945 dalam pidatu sapuntannya nang imbahnya dipinandui lawan judul "Lahirnya Pancasila".[3]
Soekarno mangemukaakan dasar-dasar sawagai ngini: Kabangsaan Indunisia atawa nasiunalisma, Kamanusiaan atawa antarabangsaisma, Mupakat atawa Dimukrasi, Kasajahtaraan Susial, Katuhanan nang bakabudayaan. Ngaran Pancasila ngitu diucapakan ulih Soekarno dalam pidatunya wayah tanggal 1 Juni ngitu, ujarnya:
- Wayah ngini banyaknya parinsip: kabangsaan, antarabangsaisma, mupakat, kasajahtaraan, wan katuhanan, lima bilangannya. Ngarannya lain Panca Dharma, tagal ulun ngarani ngini lawan patunjuk saikung kawal kita ahli bahasa - ngarannya adalah Pancasila. Sila artinya asas atawa pandal, wan di atas kalima dasar ngitulah kita mandiriakan nagara Indunisia, kakal wan abadi.
Sabalum sidang panambaian ngitu ampih, diulah sabuting Panitia Kecil gasan:
- Marumusakan baasa Pancasila sawagai dasar Nagara badasarakan pidatu nang diucapakan Soekarno wayah tanggal 1 Juni 1945.
- Manjadiakan dukumin ngitu sawagai tulisan gasan mamaruklamasiakan Indunisia Mardika.
Matan Panitia Kecil ngitu dipilih 9 urang nang dipinandui lawan Panitia Sembilan, gasan manyalanggarakan tugas ngitu. Rancana bubuhannya ngitu disatujui wayah tanggal 22 Juni 1945 nang imbahnya dibari ngaran Piagam Jakarta.
Imbah Rumusan Pancasila ditarima sawagai dasar nagara sacara rasmi sapalih dukumin panatapannya adalah:
- Rumusan Panambaian: Piagam Jakarta (Jakarta Charter) - tanggal 22 Juni 1945
- Rumusan Kadua: Pambukaan Undang-undang Dasar 1945 - tanggal 18 Agustus 1945
- Rumusan Katiga: Mukaddimah Konstitusi Republik Indonesia Serikat - tanggal 27 Desember 1949
- Rumusan Kaampat: Mukaddimah Undang-undang Dasar Sementara - tanggal 15 Agustus 1950
- Rumusan Kalima: Rumusan Panambaian manjiwai Rumusan Kadua wan adalah sabuting rangkaian kasatuan lawan Konstitusi (marujuk Dekret Presiden 5 Juli 1959)
Parisidin Joko Widodo wayah tanggal 1 Juni 2016 sudah manandatangani Keputusan Presiden (Keppres) Nomor 24 Tahun 2016 pasal Hari Ranak Pancasila sakaligus manatapakannya jadi hari parai nasiunal nang banahapkuasa mulai tahun 2017.[4]
Kritikan
[babak | babak asal-mulanya]International Humanist sudah mangaritik sila panambaian marga kada maartiakan hak gasan ateisma.[5]
Karitik tahadap Pancasila ditangati ulih Kitab Undang-Undang Hukum Pidana (KUHP), marga Pancasila tadapat dalam lambang nagara Indunisia. Maumpat UU no. 24 tahun 2009, Pasal 68[6], mahuhulut tahadap Pancasila kawa dibariakan sangsi maksimal 5 tahun kurungan atawa danda maksimal 500 juta Rupiah.
Wayah ahun 2018, Muhammad Rizieq Shihab didakua badasarakan 154a dan 320 KUHP atas mahulut tahadap idiulugi wan pitnah nagara.[7][8]
Riparinsi
[babak | babak asal-mulanya]- ^ Hatta, Mohammad (2015). Politik, Kebangsaan, Ekonomi (1926-1977). Jakarta: Kompas. hlm. 309. ISBN 9789797099671.
- ^ Suwarno, P.J. Pancasila Budaya Bangsa Indonesia. hlm. 12.
- ^ Schindehuette, Matti Justus (2006). Zivilreligion als Verantwortung der Gesellschaft. Religion als politischer Faktor innerhalb der Entwicklung der Pancasila Indonesiens. Hamburg: Universitas. hlm. 151.
- ^ "Jadi Hari Libur Nasional, Inilah Keppres Penetapan 1 Juni Sebagai Hari Lahir Pancasila", Sekretariat Kabinet Republik Indonesia, (diakses pada 01 Oktober 2016)
- ^ "https://jakartaglobe.id/archive". Jakarta Globe. Diarsipkan dari versi asli tanggal 2020-07-12. Diakses tanggal 2020-07-12. Hapus pranala luar di parameter
|title=(bantuan) - ^ "Undang-Undang Republik Indonesia Nomor 24 Tahun 2009 - Wikisource bahasa Indonesia". id.wikisource.org. Diakses tanggal 2020-07-12.
- ^ Post, The Jakarta. "West Java Police drop defamation charges against FPI leader". The Jakarta Post (dalam bahasa Inggris). Diakses tanggal 2020-07-12.
- ^ Post, The Jakarta. "Police declare FPI leader Rizieq Shihab suspect for alleged Pancasila defamation". The Jakarta Post (dalam bahasa Inggris). Diakses tanggal 2020-07-12.