Pamandiran Wikipidia:Paristiwa damini
umpat bailang matan hulu sungai nah......... – kumintar kadada tanda tangan ini dibariakan ulih Atoe relez (pandir • kontrib) .
manambah (HotCat)
[babak asal-mulanya]DI PUM BINSIN BANJARMASIN, MINYAK BATAKAR
TVRI Kalsel, Banjarmasin -- Sagan mangurangi antrian nang sasain banyak, Pum Binsin di Banjarmasin manakar minyak nang ditukar warga. Sabujurnya, ni lain aturan hanyar, tagal aturan Hubnur Kalimantan Selatan nang dahulu jua. Aturan Hubnur Kalimantan Selatan tahun 2012 samalam, nang manakar minyak nang kawa ditukar warga, sabujurannya baluman dicabut.
Wayah minyak masih lancar samalam, Pum Binsin kada manangati warga manukar minyak sakahandak. Tagal, wayah ini, imbah mutur wan kandaraan nang antri minyak babanyak, Pum Binsin mamakai aturan Hubnur pulang, sagan mangurangi antrian.
Pum Binsin di Jalan Sultan Adam, Banjarmasin, misalnya, manakar minyak nang handak ditukar warga. Minyak nang kawa ditukar warga tikas 100 ribu haja sagan mutur, 20 ribu sagan kandaraan. Supir taksi kuning, Sabri, paksa manarima, daripada kada kulihi minyak lalu.
Urang nang bagawi di Pum Binsin sawat bingung jua malihat antrian mutur wan kandaraan nang saling banyakan. Ujar bubuhannya, padahal kiriman minyak matan Pertamina lancar haja, kada talambat atawa dikurangi. (*) [ysas]
(“Habar Banua”, TVRI Kalimantan Selatan, Banjarmasin. Siaran Ahad, 31 Maret 2013, Pukul 5 kamarian. Ratna Sari Dewi, Kadrianto Nurdin, TVRI Kalimantan Selatan, mahabarakan.)