Lompat ke isi

Pablo Neruda

Tumatan Wikipidia Banjar, kindai pangatahuan
Ricardo Eliecer Neftalí Reyes Basoalto
Lahir12 Juli 1904
Parral, Chili
Maninggal23 Siptimbir 1973
Santiago de Chile, Chili
KawarganagaraanChili
Ngaran KiawanPablo Neruda
PagawianPanulis

Pablo Neruda (diranakakan di Parral, sabuah kota sakitar 300 km di salatan Santiago, Chili, 12 Juli 1904 – habis umur 23 Siptimbir 1973 pas umur 69 tahun) adalah ngaran samaran panulis Chili, Ricardo Eliecer Neftalí Reyes Basoalto. Neruda disambat sabagai salah saurang panyair babasa Spanyol nang paling hibat di abad ka-20. Sidin jua marupakan saurang panulis nang produktif. Tulisan-tulisan sidin tadiri matan puisi-puisi cinta nang erotik, puisi-puisi nang surealis, epos sejarah, puisi-puisi politik, sampai puisi-puisi sual hal-hal nang biasa, nang kaya alam wan laut. Novelis Kolombia, Gabriel García Márquez manyambat sidin "panyair paling ganal di abad ka-20 dalam sagala bahasa". Pas 1971, Neruda dapat Panghargaan Nobel dalam Sastra.[1]

Pas sidin masih hidup, sidin tarkanal karna kayakinan-kayakinan pulitiknya. Sabagai saurang komunis nang vokal, sidin suah satumat jadi senator gasan Partai Komunis Chili di Kongres Chili sabalum tapaksa maasingakan diri.[2]

Ngaran samaran Neruda diambil matan ngaran panulis wan panyair Ceko, Jan Neruda; nang sampai wahini dipakai gasan ngaran rasmi sidin.[3]

Daptar Jujuhutan[babak | babak asal-mulanya]

  1. ^ "Pablo Neruda | Biography, Poems, Books, & Facts | Britannica". www.britannica.com (dalam bahasa Inggris). Diakses tanggal 2022-12-26. 
  2. ^ "Pablo Neruda". Library of Congress, Washington, D.C. 20540 USA. Diakses tanggal 2022-12-26. 
  3. ^ "Jan Neruda". authorscalendar.info. Diakses tanggal 2022-12-26.