Kolombia
Kolombia (Spanyol: República de Colombia) adalah sabuah nagara nang mambantang luas banar di Amirika Selatan. Kolombia baandak di bagian barat laut Amerika Selatan lawan 72% wilayahnya marupakan tutupan hutan hujan tropis bagian matan hutan hujan Amazon. Kolombia babatasan lawan Laut Karibia di utara; Venezuela di timur; Brasil di tenggara; Peru di selatan; Ekuador di barat daya; Panama di barat laut; wan Samudra Pasifik di barat. Kolombia adalah nagara penghasil kopi kadua pangganalnya di dunia imbah Brasil. Nagara nang dilintasi garis khatulistiwa ini jua panghasil zamrud, lawan hampir 95% konsumsi zamrud dunia asalnya matan nagara ini.
Etimologi
[babak | babak asal-mulanya]Kata "Kolombia" baasal matan ngaran Kristoforus Kolumbus (basa Italia: Cristoforo Colombo, basa Spanyol: Cristóbal Colón). Kata ngini lahir matan revolusi ulih Francisco de Miranda sabagai pangumuman kapada dunia luar akan adanya dunia hanyar,[1] tarutama pada bangsa Amerika wan koloni di bawah jajahan Spanyol wan Portugis. Kata ngini kamudian diadopsi ulih Ripublik Kolombia tahun 1819 nang mambantuk kasatuan antara Venezuela, Granada Hanyar, wan Ekuador.[2]
Pas Venezuela wan Ekuador bapisah pada tahun 1830, wilayah Kundinamarka nang tasisa jadi sabuah nagara hanyar, Republik Granada Hanyar. Pas 1863 Granada Hanyar sacara rasmi mangganti ngarannya manjadi Kolombia Sarikat, lalu pas tahun 1886 mangadopsi nama nang wahini dipakai: Republik Kolombia.[3]
Asal usul ngaran Kolombia jua disambat dalam bait kadua lagu kabangsaan: "Se baña en sangre de héroes la tierra de Colón (Basa Indunisia: Tanah Kolumbus[4] bermandikan darah para pahlawan). "
Gasan manyambat nagaranya, pamarintah Kolombia manggunaakan istilah Kolombia wan República de Colombia.[5]
Geografi
[babak | babak asal-mulanya]Kolombia mamiliki kaanekaragaman hayati nan babeda-beda dibandingakan wilayah serupa di Amerika Latin.[6] Nagara ini marupakan bagian dari Cincin Api Pasifik, wilayah nang rawan gempa, dan letusan.[7]
Sacara geograpis Kolombia tabantuk ulih dua lempeng, yaitu lempeng Lautan Pasifik wan Laut Karibia lawan luas 828,660 km2 wan nang tabantuk ulih pagunungan Andes, lempeng Llanos, bagarak lawan Venezuela lawan luas 1'143,748 km2. Parmukaan Kolombia mambantuk pola nang rumit.
Kota-kota Utama
[babak | babak asal-mulanya]Bogotá adalah kota nang paling bapanduduk wan pusat ekonomi utama nagara ini. Kolombia baisi aglomerasi parkotaan nang ganal di saluruh wilayahnya, Medellín wan Cali baisi populasi labih dari dua juta jiwa, Barranquilla wan Cartagena baisi labih dari sajuta jiwa. Samantara wilayah metropolitan Bucaramanga wan Cucuta labih dari sajuta panduduk. Tiga puluh lima kota lainnya baisi populasi labih dari dua ratus ribu jiwa.
.jpg)
.jpg)
Daptar Rujukan
[babak | babak asal-mulanya]- ^ Subgerencia Cultural del Banco de la República. "La Red Cultural del Banco de la República". www.banrepcultural.org (dalam bahasa Spanyol). Diakses tanggal 2025-06-02.
- ^ Argaez, Carlos Caballero. "Biblioteca Luis Ángel Arango". www.lablaa.org. Diarsipkan dari versi asli tanggal 2008-01-05. Diakses tanggal 2025-06-02.
- ^ Argaez, Carlos Caballero. "Biblioteca Luis Ángel Arango". www.lablaa.org. Diarsipkan dari versi asli tanggal 2008-01-05. Diakses tanggal 2025-06-02.
- ^ Colón merupakan terjemahan nama Kristoforus Kolumbus dalam bahasa Spanyol.
- ^ Helena Guedes, Maria. A Grande Colômbia!. Clube de Autores. hlm. 141.
- ^ Benton, M. J.. (2001): "Biodiversity on land dan in the sea.", en Geological Journal, vol. 36, N° 3-4
- ^ Gómez, Diego; Vélez, Cristian Mauricio López; Bustamante, Maria Luisa Monsalve; Restrepo, Adriana del Pilar Agudelo; Jiménez, Gloria Patricia Cortés; Velasco, Marta Lucía Calvache (2021-11-01). "Active volcanism in Colombia and the role of the Servicio Geológico Colombiano". Volcanica (dalam bahasa Inggris). 4 (S1): 113–139. doi:10.30909/vol.04.S1.113139. ISSN 2610-3540.