Galaksi spiral

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Contoh galaksi spiral, An example of a spiral galaxy, Galaksj kincir (dipinandui jua lawan ngaran Messier 101 atawa NGC 5457)

Galaksi spiral mambantuk kelas matan galaksi nang pamulaannya dijalasakan ulih Edwin Hubble di buku nang ditulisnya pas tahun 1936 nang bajudul The Realm of the Nebulae[1] wan maulah bagian matan sistim klasifikasi Hubble. Kabanyakannya, galaksi spiral bantuknya rata, baputar kaya cakram, baisi bintang, gas wan dabu, wan hintinya nang marupakan gabungan bintang-bintang nang banyak nang biasanya dipinandui lawan ngaran binculan. Galaksi nhinj biasanya dikalilingi jua lawan halo nang takadap matan bintang-bintang, kabanyakannya galaksi ngini baandak di gugus bola.

Galaksi spiral dingarani sasuia lawan struktur spiralnya nang bapanjang mulai hinti sampai ka cakram galaksinya. Tangan matan galaksi spiral marupakan tampat formasi bintang nang hanyar wan tatarang pada cakram di sakulilingnya maraga Bintang OB masih anum, wan panas baandak disana.

Kabanyakannya dua pertalu matan galaksi spiral nang diobservasi baisi kumpunen tambahan nang struktur bantuknya nang kaya batang,[2] bapanjang mulai matan binculan ditangahnya, di hujungnya tangan galaksi spiral dimulai. Proporsi spiral bapalang nang tagantung lawan spiral kada bapalang pinanya sudah barubah sapanjang sajarah matan alam samasta, 10% haja spiral nang baisi palang 8 miliar tahun bahari, sampai sakitar saparapatnya 2,5 miliar tahun bahari. Sampai wayah ini, kira-kira dua pertalu galaksi-galaksi nangbkawa diitihi di alam samasta (Volume Hubble) baisi palang.[3]

Galaksi Bima Sakti marupakan spiral bapalang, biar palangnya surang nagalih banar diitihi mulai Bumi maraga andak planetnya nang aparak cakram galaksi.[4] Bukti paling manjanjiakan matan bintang nang mambantuk palang di tangah galaksi baasal matan sapalihan survei nang hanyar digawi, tamasuk nang baasal matan Teleskop luar angkasa Spitzer.[5]

Basamaan lawan galaksi kada baaturan, galaksi mambantuk 60% galaksi nang ada di alam samasta.[6] Buhannya biasanya kawa ditamui di dairah nang kapadatannya randah wan jarang ditamui ditangah -tangah kumpulan galaksi.[7]

Bima Sakti[babak | babak asal mulanya]

Bima Sakti suah dianggap sabagai galaksi spiral biasa. Buhan astronom pamulaannya mulai mangira bahwa Bima Sakti adalah galaksi spiral bapalang pas 1960-an.[8][9] Kacurigaan buhannya dikunfirmasi ulih pangamatan Teleskop Luar Angkasa Spitzer pas tahun 2005,[10] nang manampaiakan bahwa batang pusat Bima Sakti taganal pada nang dikira baharinya.

Catatan Batis[babak | babak asal mulanya]

  1. ^ Hubble, E.P. (1936). The realm of the nebulae. Mrs. Hepsa Ely Silliman memorial lectures, 25. New Haven: Yale University Press. ISBN 9780300025002.  Alt URL(pp. 124–151)
  2. ^ D. Mihalas (1968). Galactic Astronomy. W. H. Freeman. ISBN 978-0-7167-0326-6. 
  3. ^ "Hubble and Galaxy Zoo Find Bars and Baby Galaxies Don't Mix". Science Daily. 16 January 2014. 
  4. ^ "Ripples in a Galactic Pond". Scientific American. October 2005. Diarsipkan dari versi asli tanggal 6 September 2013. 
  5. ^ R. A. Benjamin; E. Churchwell; B. L. Babler; R. Indebetouw; M. R. Meade; B. A. Whitney; C. Watson; M. G. Wolfire; M. J. Wolff; R. Ignace; T. M. Bania; S. Bracker; D. P. Clemens; L. Chomiuk; M. Cohen; J. M. Dickey; J. M. Jackson; H. A. Kobulnicky; E. P. Mercer; J. S. Mathis; S. R. Stolovy; B. Uzpen (September 2005). "First GLIMPSE Results on the Stellar Structure of the Galaxy". The Astrophysical Journal Letters. 630 (2): L149–L152. 
  6. ^ Loveday, J. (February 1996). "The APM Bright Galaxy Catalogue". Monthly Notices of the Royal Astronomical Society. 278 (4): 1025–1048. 
  7. ^ Dressler, A. (March 1980). "Galaxy morphology in rich clusters — Implications for the formation and evolution of galaxies". The Astrophysical Journal. 236: 351–365. 
  8. ^ de Vaucouleurs, G. (1964). "Interpretation of velocity distribution of the inner regions of the Galaxy". Symposium - International Astronomical Union. 20: 195–199. 
  9. ^ Chen, Wan; Gehrels, Neil; Diehl, Roland (1995-02). "Understanding COMPTEL Al-26 1.8 MeV map features". The Astrophysical Journal. 440: L57. 
  10. ^ Mckee, Maggie. "Bar at Milky Way's heart revealed". New Scientist (dalam bahasa Inggris). Diakses tanggal 2020-09-26.