Capil ka isi

Lupis

Tumatan Wikipidia Banjar, kindai pangatahuan
Lupis
Lupis nang siap makan, batambah parutan nyiur duwa kuah gula habang
Ngaran lainLopis
Banua asalIndunisia
Bahan utamaBaras lakatan, nyiur, gula habang

Lupis ialah ngaran makanan matan Indunisia, biasanya nang dipinandui urang matan pulau Jawa. Lupis biasanya disurungi baduwa parutan nyiur wan juruh matan gula habang.[1]

Lupis tabagi ka dua parian bardasarkan bantukannya. Nang panambayan, Lupis nang bulat panjang nangkaya alu, nang kadua ialah Lupis sagitiga.[2]

Cara baulah[babak | babak asal-mulanya]

Bahan nang dipakai gasan maulah lupis ialah baras lakatan, gula habang, daun pandan, banyu kapur, uyah saikit duwa daun pisang.[1]

Daun pisang dipakai gasan jadi halung atawa wadah bamasak. Daun pisang nang cagaran dipakai, dijamur dulu sakira lamas wan nyaman dilipat. Daun pisang nang lamah, digulung, dipajal ka batang paring atawa tungkat, imbah ngitu hujungnya dibabat, batang paringnya dipacul sakira halungnya jadi gulungan.[1]

Daun pandan dipakai gasan jadi kalir lupis. Daunnya ditutuk, batambah banyu, imbah ngitu diparas sampai dapat banyunya nang bakalir hijau duwa likat.[1]

Baras lakatan nang sudah dikambuh duwa bahan lainnya, dimasukakan ka dalam halung sampai hibak. Halung-halung ngini dibabat pulang di bagian tampuknya, pakai kulit bamban sakira kuat. Imbah ngitu hanyar dijarang sampai masak.[1]

Jujuhutan[babak | babak asal-mulanya]

  1. ^ a b c d e Rahmawati, Neni; R, Syarifuddin (2014). Makna Simbolik dan Nilai Budaya Kuliner "Wadai Banjar 41 Macam" Pada Masyarakat Banjar Kalsel. Yogyakarta: Kepel Press. hlm. 60–61. ISBN 978-602-1228-94-4. 
  2. ^ Dimyati, Vien (2019-01-29). "Rahasia Cara Membuat Lupis Ketan, Kue Tradisional yang Lezat dan Gurih". iNews.ID (dalam bahasa Indonesia). Diakses tanggal 2023-11-12.