Lapis legit
Lapis legit atawa spekkoek adalah ngaran waday balapis-lapis nang rasanya manis banar. Waday ini dikembang'akan wayah penjajahan Walanda. Rarampah gasan meulah waday ini mirip lawan kué lapis, tagal lada diganti lawan buah pala wan adas.
Waday ini dingarani spekkoek (arti harafiah: waday bacon) marga tampilannya nang balapis-lapis meingatakan urang lawan bacon (daging babi nang diawét'akan). Lapisan-lapisan ini diulah lawan cara memakay dua butingan adonan; nang kadap lawan nang tarang, dituang tunggal butingan di atas lapisan nang sudah karing. Maka dari itu, meulah lapis legit ini ngalih wan lawas hanyar tuntung. Kada heran lamunnya waday nang nyaman banar ini larang jua harganya.
Di Indunisia, lapis legit disurung'akan gasan Hari Raya Idul Fitri, Natal, Tahun Baru Imlék, wan hari-hari ganal lainnya. Lapis legit cocok jua dijadi'akan hadiah atawa hantaran gasan acara-acara penting nang kaya ulang tahun atawa pernikahan. Di Walanda, waday ini dijadi'akan makanan penutup rijsttafel.[1]
Tiringi jua[babak | sunting sumber]
- De Bazel, bangunan di Amsterdam nang dijuluki "De Spekkoek"
- Kue Pandan, waday nang mirip lawan lapis legit
- Dobos torte, waday dari Hunggaria nang mirip lawan lapis legit
Rujukan[babak | sunting sumber]
- ^ Rinsky,Laura Halpin(2008). The Pastry Chef's Companion: A Comprehensive Resource Guide for the Baking and Pastry. John Wiley and Sons. hlm. 263. ISBN 9780470009550. http://books.google.com/books?id=riDsZRlmmRAC&client=firefox-a.
