Hari Natal

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Natal
Nativity tree.jpg
Kisah Natal manyambatakan karanakan Yesus di sabuah kandang di Betlehem.
Dirayaakan ulih Sapalih ganal umat Kristen
Jenis Kristen
Makna Marayaakan karanakan Yesus (Isa Almasih)
Parayaan kabaktian garija, bakumpul lawan kulawarga, maunjuk hadiah
Tanggal 25 Disimbir (sadunia)
6 Januari (Armenia)
7 Januari (Ortodoks Timur)
Tarait lawan Adven; Karanakan Yesus, Epifani

Natal (matan basa Portugis nang baarti "karanakan") adalah hari raya umat Kristen nang diparingati saban tahun ulih umat Kristiani wayah tanggal 25 Disimbir gasan mamparingati hari karanakan Yesus Kristus. Natal dirayaakan dalam kabaktian malam wayah tanggal 24 Disimbir; wan kabaktian baisukan tanggal 25 Disimbir. Sapalih garija Ortodoks marayakan Natal wayah tanggal 6 Januari (itihi jua Epifani).

Dalam taradisi barat, paringatan Natal manian aspek non-agamawi jua. Sapalih taradisi Natal nang baasal matan Barat antara lain adalah puhun Natal, kartu Natal, bahurup hadiah lawan kakawalan, wan angguta kulawarga wan kisah pasal Santa Klaus atawa Sinterklas.

Makna Lilin Dalam Natal[babak | babak asal mulanya]

Lilin

Dalam wayah Natal, lilin manggambarakan atawa mambari'akan gambaran mangana'i Kristus.[1] Kristus dilambangakan sabagai tarang gasan dunia nang kadap.[1] Di dalam Alkitab gin tatulis tantang tarang, di dalam Perjanjian Lama,Yesaya 9:1-6, “tarang nang ganal”, sadangakan di dalam Perjanjian Baru, Yohanes 1:1-18,” tarang manusia”.[1]

Kada wastu di dalam paribadatan haja, di rumah-rumah wan di tuku-tuku rancak dihias lawan lampu-lampu nang kalap-kalip, hal ngini cungul matan jaman patristik sabagai gambaran lawan tarang nang mangalahakan kakadapan.[1] Pamakaian lilin wan lampu-lampu kalap-kalip marupakan pangaruh matan pesta cahaya Yahudi atawa Hanukah.[1] Hari raya Hanukkah diraya'akan sakira wayah Adven wan Natal, wan takananya rancak digulingsirakan lawan istilah Natal Yahudi.[1]

Ikunumi[babak | babak asal mulanya]

Natal rancaknya marupakan stimulus ikunumi tahunan paling ganal di saban nagara di dunia. Panjualan barang-barang maningkat banar di barbagai aria retail, wan pas musim Natal urang-urang manukar barbagai hadiah, dekorasi, wan parsadiaan Natal. Industri nang bagantung lawan panjualan di musim Natal antara lain kartu Natal, puhun Natal, wan lain-lain.

Salain kagiatan ikunumi paling ganal, Hari Natal di barbagai nagara Barat marupakan hari paling sunyi hagan dunia bisnis; hampir sabarataan tuku retail, institusi bisnis wan komersial tutupan, wan hampir sabarataan industri ampih satumat baoperasi. Studio-studio film marilis barbagai film barbiaya tinggi pas musim Natal hagan mahibur urang-urang nang haratan parai.

Kagiatan sosial[babak | babak asal mulanya]

Salawas puasaan, jamaat gereja-gereja Koptik, nang kaya Gereja Koptik Sayidah el-Adzra’ (Santa Maria), di Madinat al-Tahrir, Imbaba, Kairo baisi kabiasaan hanya makan sakali sahari lawan manu makanan nangkaya tempe (matan kacang-kacangan), ngarannya tamiya atawa falafel nang dimakan lawan sahir ruti wan banyu putih. Karana ngitu, duit batutukar nang rancaknya buhannya tukarakan dagin wan manu lumayan mewah lainnya dikumpulakan wan dijulung langsung lawan urang-urang miskin nang dikoordinasi ulih Gereja.

Lihati jua[babak | babak asal mulanya]

Referensi[babak | babak asal mulanya]

  1. ^ a b c d e f (Bahasa Indonesia)Rasid Rachman.2009. Hari Raya Liturgi. Jakarta: BPK-Gunung Mulia. Hal. 130-132.