Kelayangan
Kelayangan amun dalam lugat Banjar Kuala atawa kalayangan dalam lugat Banjar Hulu, yaitu sabuah parmainan taradisiunal wan banda nang diulah matan karangka bahan ringan nang kaya kartas, kain, panyu, wan paring. Kelayangan ditarabangakan ka udara pakai nilun atawa banang. Daya angkat nang diparlu-akan gasan maulah halar kelayangan tarbang dihasilakan wayah udara maalir di atas wan di bawah sayap kelayangan, mahasilakan tikinan randah di atas halar wan tikinan tinggi di bawahnya.[1] Kakanakan katuju banar bamainan kelayangan, tagal kelayangan dipakai jua gasan upacara, alat bantu baunjun iwak atau manjarat kaluang wan kalalawar, bantu panalitian ilmiah, lawan media tanaga alternatif.[1]
Ujar, kelayangan tu asalnya matan Cina.[2] Tagal ada jua ilmuwan nang bapandapat kelayangan panambayan asalnya matan Pulau Muna, Sulawesi, Indunisia.[3]
Kelayangan khas Malaysia dari nagara Kelantan ngarannya wau bulan. Kelayangan ngini jadi ilham gasan logo Malaysian Air.[4] Kelayangan khas Kalimantan Selatan ada jua, ngarannya kelayangan dandang.[5] Diterbangakan wayah musim kemarau. Jenisnya ada dua; kelayangan dandang bini lawan kelayangan dandang laki.
Jujuhutan
[babak | babak asal-mulanya]- 1 2 Djuanda, Universitas. "Layang-Layang telah Mengangkasa Ribuan Tahun Silam". Universitas Djuanda (dalam bahasa Indonesia). Diakses tanggal 2025-09-25.
- ↑ "Kite | Aeronautics, History & Benefits | Britannica". www.britannica.com (dalam bahasa Inggris). 2025-08-20. Diakses tanggal 2025-09-25.
- ↑ "Kaghati Kalope: Terkenal di Kancah Mancanegara, Terancam Punah di Negeri Sendiri". budaya.jogjaprov.go.id (dalam bahasa Indonesia). Diakses tanggal 2025-09-25.
- ↑ "Wau Bulan: Keindahan Layang-Layang Tradisional Malaysia". SPACE JAKARTA (dalam bahasa Inggris). 2025-09-17. Diakses tanggal 2025-09-25.
- ↑ Fadli, Rasidi. "Kalayangan Dandang, Layang-Layang Raksasa Tradisional di Rantau dan Kandangan - Radar Banjarmasin". Kalayangan Dandang, Layang-Layang Raksasa Tradisional di Rantau dan Kandangan - Radar Banjarmasin (dalam bahasa Indonesia). Diakses tanggal 2025-09-25.