Kaca

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Kaca lawan pola sarang wanyi

Kaca baasal matan bahan nang basifat cair tapi baisi kapadatan tinggi, wan struktur amorf.[1] Atom-atom di dalamnya kada mambantuk sabuting jalinan nang baaturan, nang kaya kristal, atawa rajin disambat galas.[1] Kaca kabanyakannya diulah matan silika (SiO2), campuran batu karangan lawan fluks nang maulah kakantalan wan tilik lunuh nang kada tapi tinggi, gasan imbahnya dicampur pulang lawan bahan stabilisator supaya kuat.[1]

Kaca lalungkang, lampu, wan botol, tabuat sawagai kaca sodalime nang taulah matan silika (SiO2), fluks soda, (Na2O) wan stabilisator lime atawa tanah liat kapur (CaO) lawan magnesia MgO nang sadikit dicampur lawan alumina (Al2O2).[1] Janis kaca nang tahan panas adalah kaca borosilikat.[1] Kaca naya taulah matan silika, boron oksida (B2O3), alumina wan soda nang baisi titik lunuh nang tinggi wan kada nyaman pacah amun dipanasakan[1], marga koefisien muainya halus banar.[1] Kaca nang kaya ini rajin disambat pireks.[1] Kaca silika nang dilunuhakan atawa kuarsa nang lunuh saurang, wan 99,9% silika baisi titik lunuh saganal 1.580 °C, koefisien muai nang randah, tambus radiasi ultraungu dan inframerah.[1]

Warna hijau di kaca bafungsi gasan manampaiakan adanya ionfero.[1] Warna naya kawa dihilangakan lawan ditambahi natrium nitrat atawa mangan dioksida pas wayah maulah.[1] Gasan maulah kaca bawarna biru, kita kawa mamakai kobalt oksida, ungu lawan mangan oksida, jua habang amas atawa selen, kuning lawan uranium oksida atawa petak, cokelat lawan ionfero, hirang lawan iridium oksida atawa atau campuran unsur oksida lain (kobalt, wasi nikel wan mangan).[1] Kaca susu diulah matan salah sabuting atawa hasil campuran matan kalsium fluorida, arsen trioksida, aluminium oksida, seng oksida, wan kalsium fosfat.[1] Kaca aman adalah kaca nang tahan lawan hangkupan.[1] Kaca naya taulah matan dua lapis kaca nang dirikitakan pakai lapisan tipis matan seluosa asetat atwa bahan plastik nang lain.[1]

Pamakaian kaca di kahidupan saban hari[babak | babak asal mulanya]

Kaca las[babak | babak asal mulanya]

Pengelas memakai kaca las

Kaca naya bafungsi gasan malindungi dairah muha wayah urang ma-las.[1] Apalagi wayah gawian nang mamakai las listrik.[1] Sacara sabigian, kacanya bawarna kadap, marga kaca naya harus kawa maabsorbsi sabarataan sinar inframerah, ultraungu, sahagian ganal sinar lain nang kawa maulah silau.[1] Dalam malindugi kaca kadap matan puricikan api las, ada kaca palindung tarang nang dipasang di hagian luar kaca.[1] Gasan las listrik, alat naya jadi hagian matan topeng las atawa helm las.[1]

Kacamata[babak | babak asal mulanya]

Adalah alat optik nang dipakai pada area muka mata, nang berfungsi sawagai lensa wan mangganii mambaiki pada kalainan refraksi mata.[1] Kalainan nangitu kajadian marga daya pambiasan mata nang kurang, lawan bal mata nang tahandap, atawa pambiasan mata nang talalu kuat, lawan bal mata nang tapanjang.[1] Kacamata kawa dilainakan matan beberapa jenisnya, yaitu kacamata lawan lensa cembung (positif) gasan penderita rabun parak (hipermetropi), kacamata dengan lensa cekung (negatif) untuk penderita rabun jauh (miopia).[1] Pengguna kacamata nang baumur di atas 10 tahun, parlu kacamata bifokus.[1] Kacamata bifokus ialah kacamata berlensa ganda, lawan lensa atas gasan malihat jauh, wan lensa bawah gasan malihat parak.[1]

Paralatan optik[babak | babak asal mulanya]

Kaca secara meluas banyak dipakai marga komposisinya nang bersifat tarang wan kawa ditambus cahaya.[2] Sifat matan polikristalin, secara bertentangan, kada baisi kemampuan gasan maantarakan cahaya. Kristal, dalam bantuk nang tapisah kawa tarang, tapi butiran-butiran pawatas matan kristal nitu kawa mambalik atawa mamancarakan cahaya wan mahasilakan refleksi nang manyabar. Kaca kada baisi hagian internal nang berasosiasi lawan butiran pawatas pada polikristal wan kada kawa memancarkan cahaya sebagaimana polikristalin. Permukaan kaca karancakannya lembut, marga matan tahap pembentukannya, molekul matan cairan nang didinginakan kada dipaksa gasan membuang kristal lawan kondisi geometris nang kasar wan kawa maumpati tekanan permukaan, jadi secara mikroskopis menjadi lembut. Bahan-bahan ngintu nang maulah tarangnya kaca kawa batahan bujur babarapa hagian matan kaca dapat manyarap cahaya.[3]

Partisi kaca[babak | babak asal mulanya]

Pemasangan kaca jua dipakai gasan bangunan dalam kehidupan sehari-hari. Sifat kaca nang tarang wan tembus cahaya panting banar sawagai sirkulasi sinar matahari, lawan maluasi pandangan tahadap dairah luar gasan urang di dalam bangunan. Contoh pamakaian kaca gasan bangunan, antara lain kawa berupa partisi nang dipakai sawagai pambagi atawa pahalat sabuting ruangan. Pemakaian kaca gasan mahalat ruangan baisi banyak manfaat gasan sabuting bangunan. Beberapa manfaat partisi kaca adalah kada mambarati struktur, tasadikit biayanya dibandingkan lawan maulah timbuk, nyaman gasan dibongkar-pasang baulang sasuai lawan kaparluan, wan banyak lagi nang lain.

Lawang Kaca[babak | babak asal mulanya]

Kaca nang tarang dipakai jua jadi salah sabuting hagian matan bangunan gasan memajang isi di dalam ruangan. Banyak bangunan perkantoran wan mall mamakai lawang kaca nang baisi bukaan nang kaya lawang kayu, yaitu bukaan lawan model swing (diayun) atawa sliding (digisir). Malahan, lawang kamar mandi gen sudah banyak nang mamakai bahan kaca.

Kanopi Kaca[babak | babak asal mulanya]

Kanopi kaca dimanfaatakan sakira sirkulasi sinar matahari mayu gasan sabuting ruangan, lawan cara maandak kaca sawagai atap atawa plafon. Rajin, kanopi kaca dipakai di garasi motor, void rumah, wan atap kaca.

Curtain Wall[babak | babak asal mulanya]

Curtain wall adalah maandakakan kaca gasanfacade (muha) bangunan. Pamakaian kaca di muha bangunan contohnya adalah gasan manampaiakan isi dalam bangunan, nang kaya di showroom wan dealer oto. Salain murah matan sagi biaya, pamakaian curtain wall jua maulah bangunan kalihatannya maumpati trend wayahini wan jadi ikonik.

Referensi[babak | babak asal mulanya]

  1. ^ a b c d e f g h i j k l m n o p q r s t u v w x y Shadily, Hassan (1984). Ensiklopedi Indonesia Volume 3. Ichtiar Baru-Van Hoeve. 
  2. ^ W. Barsoum, Michel (2003). Fundamental of ceramics (2 ed.). Bristol-IOP. ISBN 0-7503-0902-4. 
  3. ^ Donald R. Uhlmann; Norbert J. Kreidl, ed. (1991). Optical properties of glass. Westerville, OH: American Ceramic Society. ISBN 0-944904-35-1.