Kabupatin Kapuas

Kabupatin Kapuas
	; Lambang Kabupatin Kapuas; Motto: Tingang Menteng Panunjung Tarung ;
	; Kar andakan Kabupatin Kapuas; Koordinat: 2°57′53″S 114°24′58″E / 2.964704°LS 114.416091°BT
Prupinsi	Kalimantan Tangah
Dasar hukum	UU Nomor 27 tahun 1959
Tanggal	23 Maret
Indung banua	Kapuas Hulu
	Pamarintahan
- Bupati	Erlin Hardi (Pj.)
Luas	14.999,00 km²
	Populasi
- Total	410.400 jiwa (2020)
- Karacapan	27 jiwa/km²
	Demografi
- Kode area talipun	0513
	Pambagian administratif
- Kacamatan	17
- Situs web	http://www.kapuaskab.go.id/

Kabupatin Kapuas adalah ngaran kabupatin di Prupinsi Kalimantan Tangah, Indunisia. Indung banuanya adalah Kuala Kapuas. Kabupatin Kapuas tardiri matan 17 kacamatan, 17 kalurahan wan 214 kampung.

Jumlah panduduk tacatat ada 416.300 ikung lawan kabupatin ngini baisi luas 17.070,393 km² atawa 1.707.039,3 ha.^[1]

Contract Met Den Sultan Van Bandjermasin tanggal 4 Mei 1826. /B 29 Siptimbir 1826 No.10, mangisahakan parihal Sultan Adam matan Banjar manyarahakan wilayah Dayak Kecil lawan sapalih banyak wilayah Kalimantan ka pamarintahan kolonial Hindia Walanda.^[2]

Lamun di Staatsblad van Nederlandisch Indië tahun 1849, wilayah de groot en kleine Daijak-rivier (sungai Danau Besar wan sungai Dayak Kecil) ini tamasuk dalam zuid-ooster-afdeeling bardasarkan Bêsluit van den Minister van Staat, Gouverneur-Generaal van Nederlandsch-Indie, wayah 27 Agustus 1849, No. 8. ^[3]

Geografi

Kabupatin Kapuas baandakan di antara 0^o'48" sampai 3^o'00" Lintang Selatan wan 112^o'36" sampai 114^o'00" Bujur Timur.

Indung banuanya adalah Kuala Kapuas. Kuala artinya delta. Kuala Kapuas adalah kuta nang bungas, marga di higa murung batalu sungai. Katalu sungai nitu adalah Sungai Kapuas Murung nang panjangnya 66,38 km, Sungai Kapuas nang panjangnya 600,00 km wan dairah Pantai/Pantai Laut Jawa nang panjangnya 189,85 km.

Kuta ngini badahulu ada sabalum ada Palangka Raya, nang tiba matan palabuhan pardagangan wastu halus antar pulau atawa dairah. Wayahini kartak lintas Kalimantan mambuka isolasi Kabupatin Kapuas ka wilayah lain di Kalimantan. Pamakaran kuta Kuala Kapuas cukup intensif hususnya kawasan pamukiman wan wilayah kuta hanyar nang mancakup gedung pamarintahan wan infrastruktur pandukung lainnya. Kuala Kapuas diibaratakan sawagai lawang bagian selatan gasan Prupinsi Kalimantan Tengah.

Rumah Betang nang jadi simbul Budaya "Dayak" masih badiri di kampung Buntoi, Tumbang Kurik wan Tumbang Malohai. Karajinan unjut matan paikat di Kuala Kapuas, wadah maunjun undang banyu tawar wan pasar tradisional iyalah wadah bawisata nang tapandang. Ada jua kawasan pantai di kampung Cemara Lebat di nang bahadapan duwa Laut Jawa.

Pahalatan

Wilayah Kabupatin Kapuas di timur bahalatan lawan Kabupatin Barito Utara, Kabupatin Barito Selatan lawan Kabupatin Barito Kuala, Kalimantan Selatan. Di utara, Kabupatin Kapuas bahalatan lawan Kabupatin Murung Raya. Kabupatin Kapuas di barat bahalatan lawan Kabupatin Gunung Mas wan Kabupatin Pulang Pisau. Di sabalah selatan, Kabupatin Kapuas bahalatan lawan Laut Jawa.^[4]

Topografi

Bagian utara marupakan dairah bamungkur nang tinggi maantara 100-500 m matan parmukaan banyu laut wan baisi tingkat kahiringan antara 8-15⁰ wan marupakan dairah pagunungan nang hiringnya ± 15-25⁰. Bagian selatan tardiri lawan pantai wan baruh nang kada tinggi, maantara 0-5 m matan parmukaan banyu laut nang kahiringannya 0-8% wan tapangaruh duwa pasang pandit, sahingga jadi dairah nang bahanu rancak baah ganal (banyu laut naik). Salaya nitu, dairah Kabupatin Kapuas baisi dairah babanyu nangkaya tasik, baruh wan susungaian ganal, yaitu:

Sungai Kapuas Murung panjangnya ± 66,38 km
Sungai Kapuas panjangnya ± 600,00 km
dairah Pantai/Pantai Laut Jawa lawan panjang ± 189,85 km

Hidrologi

Salaya sungai-sungai di atas, di Kabupatin Kapuas jua ada ampat buting anjir, yaitu:

Anjir Serapat panjangnya ± 28 km (mahubungakan Kuala Kapuas ka Banjarmasin, wilayah Kalimantan Tengah panjangnya 14 km wan wilayah Kalimantan Selatan 14 km)
Anjir Kalampan panjang ± 14,5 km (mahubungakan kuta Kapuas Barat, Kapuas">Mandomai Kecamatan Kapuas Barat ka Pulang Pisau wilayah Kabupatin Pulang Pisau mengarah ka Palangka Raya)
Anjir Basarang panjang ± 24 km (mahubungakan Kuala Kapuas ka wilayah Pulang Pisau)
Anjir Tamban panjangnya ± 25 km (manghubungakan Kuala Kapuas ka Banjarmasin, wilayah Kalimantan Tengah panjangnya 13 km wan wilayah Kalimantan Selatan 12 km)

Iklim

Kabupatin Kapuas umumnya tamasuk ka dairah iklim tropis wan humap nang suhunya maantara 21-23⁰C, amun paningginya bisa sampai 36⁰C. Intensitas hindau matan matahari tinggi tarus wan sumber banyu nang cukup banyak sahingga maulah tinggi jua panguapan nang maulah rakun jadi kandal. Hujan pambanyaknya gugur wayah Marit, maantara 223-604 mm saban tahun, padahadangan nitu amun bulan landau kajadian rancak di bulan Juli sampai Siptimbir.

Pamarintahan

Kacamatan

Demografi

Kabangsa duwa Kaparcayaan

Urang-urang nang tatiring banyak rikinan urangnya di Kabupatin Kapuas adalah Urang Dayak, Urang Banjar, Urang Jawa lawan Urang Bali. Sapalih sub-etnis Urang Dayak nang tahagai di Kabupatin Kapuas yaitu Urang Dayak Ngaju, Dayak Bakumpai, Dayak Maanyan dan Dayak Oot Danum duwa subetnis lainnya nang saikit urangnya. Tamasuk ada jua bubuhan urang nang magin saikit rikinannya, nangkaya Urang Bali di Kacamatan Basarang nang bahari dasar wadah urang transmigrasi matan pulau Bali.

Jujuhutan

↑ "Kabupaten Kapuas Dalam Angka 2019" (pdf). www.kapuaskab.bps.go.id. hlm. 11, 167–168. Diarsipkan dari versi asli tanggal 2020-01-31. Diakses tanggal 31 Januari 2020.
↑ (Bahasa Indonesia) Hindia Belanda (1965). Bandjermasin (Sultanate), Surat-surat perdjandjian antara Kesultanan Bandjarmasin dengan pemerintahan2 V.O.C.: Bataafse Republik, Inggeris dan Hindia- Belanda 1635-1860 (PDF). Arsip Nasional Republik Indonesia, Kompartimen Perhubungan dengan Rakjat. hlm. 228. Diarsipkan (PDF) dari versi asli tanggal 2021-08-31. Diakses tanggal 2018-09-25.
↑ (Belanda)Salinan arsip. Gouverneur-Generaal van Nederlandsch-Indie. 27 Agustus 1849. hlm. 2. Diarsipkan dari versi asli tanggal 2023-01-24. Diakses tanggal 2011-04-02. Teks "titleStaatsblad van Nederlandisch Indië" akan diabaikan (bantuan)
↑ Prisanjaya, Gabriel (2023). Statistik Daerah Kabupaten Kapuas 2023. Kapuas: Badan Pusat Statistik Kabupaten Kapuas. hlm. 1. ISSN 2087-4367.

Artikal batupik kaji banua Indunisia ngini sabuting rintisan. Pian kawa mangganii Wikipidia lawan cara mangambangakannya.

[KAPUAS2-1] "Kabupaten Kapuas Dalam Angka 2019" (pdf). www.kapuaskab.bps.go.id. hlm. 11, 167–168. Diarsipkan dari versi asli tanggal 2020-01-31. Diakses tanggal 31 Januari 2020.

[Bandjermasin_(Sultanate)-2] (Bahasa Indonesia) Hindia Belanda (1965). Bandjermasin (Sultanate), Surat-surat perdjandjian antara Kesultanan Bandjarmasin dengan pemerintahan2 V.O.C.: Bataafse Republik, Inggeris dan Hindia- Belanda 1635-1860 (PDF). Arsip Nasional Republik Indonesia, Kompartimen Perhubungan dengan Rakjat. hlm. 228. Diarsipkan (PDF) dari versi asli tanggal 2021-08-31. Diakses tanggal 2018-09-25.

[Bêsluit_27_Agustus_1849-3] (Belanda)Salinan arsip. Gouverneur-Generaal van Nederlandsch-Indie. 27 Agustus 1849. hlm. 2. Diarsipkan dari versi asli tanggal 2023-01-24. Diakses tanggal 2011-04-02. Teks "titleStaatsblad van Nederlandisch Indië" akan diabaikan (bantuan)

[4] Prisanjaya, Gabriel (2023). Statistik Daerah Kabupaten Kapuas 2023. Kapuas: Badan Pusat Statistik Kabupaten Kapuas. hlm. 1. ISSN 2087-4367.

[1]

[2]

[3]

[4]

l b s Kalimantan Tangah, Indunisia
Pusat pamarintahan: Palangka Raya Gubernur: Agustiar Sabran Wakil Gubernur: Edy Pratowo
Kabupatin	Barito Selatan Barito Timur Barito Utara Gunung Mas Kapuas Katingan Kotawaringin Barat Kotawaringin Timur Lamandau Murung Raya Pulang Pisau Seruyan Sukamara
Kuta	Palangka Raya
Topik	Kabupatin/kuta Kacamatan duwa kalurahan Kapala duwa wakil kapala dairah