Kabupatin

Tumatan Wikipidia basa Banjar, insiklupidia bibas
Malacung ka napigasi, gagai

Kabupatin (ba'asal matan basa Jawa:Kabupatèn}}) pambagian wilayah administratip di Indonésia imbah paropinsi, nang dipimpin ulih saurang bupati. Salain kabupatin, pambagian wilayah administratip imbah paropinsi adalah kuta. Sacara umum, baik kabupatin wan kuta baisi wewenang nang sama. Kabupatin bukanlah bawahan matan paropinsi, maka am tu bupati atawa wali kuta kada batanggung jawab kapada gubernur. Kabupatin maupun kuta marupakan banua otonom nang dibari wewenang ma'atur wan ma'urus urusan pamarintahannya sorang.

Walau istilah kabupatin wayah ini diguna'akan di saluruh wilayah Indonésia, istilah ini bahari hanya diguna'akan di pulau Jawa wan Madura haja. Pada era Hindia Walanda, istilah kabupatin dipinandui lawan regentschap, nang sacara harafiah artinya adalah banua saurang regent atawa wakil panguasa. Pambagian wilayah kabupatin di Indonésia wayah ini marupakan warisan tumatan era pamarintahan Hindia Walanda.

Bahari istilah kabupaten dipinandui lawan Dairah Tingkat II Kabupatin. Tumatan dibarlakukannya Undang-undang Numur 22 Tahun 1999 pasal Pamarintahan Dairah, istilah Dairah Tingkat II dihapus, sahingga Dairah Tingkat II Kabupatin disambat Kabupatin haja. Istilah "Kabupatin" di paropinsi Aceh disambat jua lawan "Sagoe".

Lihat pula[babak | sunting sumber]

Citakan:Macam pambagian nagara