Hujan

Tumatan Wikipidia basa Banjar, insiklupidia bibas
Loncat ke navigasi Loncat ke pencarian
Awan badai hirang nang di bawahnya tadapat dabaran hujan habuk gugur di dataran kumpai.
Curung hujan di bawah badai patir.

Hujan adalah sabuah patandakan baujut cacahar, lain lawan patandakan lain cacahar kaya salju, batu is wan slit. Hujan mamarluakan kaandakan lapisan udara tabal anggaran kawa mandapati suhu di atas titik lunuh is di parak wan di atas pamukaan Bumi. Di Bumi, hujan adalah runtutan pasaunan uap banyu di lapisan udara jadi butir banyu nang barat gasan gugur wan rancaknya sampai di daratan. Dua runtutan nang mungkin tajadi baimbaian kawa manunjul udara sasain tulai mamaraki hujan, yaitu pandinginan udara atawa panambahan uap banyu ka udara. Virga adalah patandakan nang gugur ka Bumi, tagal mauap sabalum mancapai daratan; inilah sabuting cara patulaian udara. Patandakan tabantuk malalui ranjahan antara butir banyu atawa kristal is lawan awan. Butir hujan baisi ukuran nang bamamacam mulai matan pepat, mahirip panekuk (butir ganal), sampai bal halus (butir halus).

Kalambapan nang bagarak di sapanjang wilayah pabidaan suhu wan kalambapan talung ukuran nang disambat front cuaca adalah cara tatambaian dalam paulahan hujan. Lamun di wayah ngitu ada kalambapan wan garakan ka atas nang mayu, hujan cagar gugur matan awan konvektif (awan lawan gerakan kuat ka atas) kaya kumulunimbus (badai patir) nang kawa tatuyuk jadi jaratan hujan himpit. Di wilayah pagunungan, hujan daras kawa tajadi lamun aliran atas lambah maningkat di higa atas angin pamukaan di katinggian nang mamaksa udara lambap manyaun wan gugur jadi hujan di sapanjang hig pagunungan. Di higa bawah angin pagunungan, iklim gurun kawa tajadi marga udara karing nang diulah marga aliran bawah lambah nang maulah pamanasan wan pangaringan massa udara. Pagarakan truf monsun atawa wilayah mamusat antartropis, mambawa musim hujan ka iklim sabana. Hujan adalah sumbar tatambaian air tawar di sapalih ganal dairah di dunia, manyadiaakan kaadaan pas gasan kabamacaman ikusistim, wan banyu gasan pambangkit listrik hidroelektrik wan irigasi ladang. Curah hujan dihitung mamakai paukur hujan. Jumlah curah hujan dihitung sacara aktip ulih radar cuaca wan sacara pasif ulih satilit cuaca.

Ujak pulau panas pakutaan maulah paningkatan curah hujan dalam jumlah wan ukurannya di bawah angin pakutaan. Pamanasan dunia maulah jua paubahan pula hujan di sabarataan dunia, tamasuk suasana hujan di timur Amirika Utara wan suasana karing di wilayah tropis. Hujan adalah palihan tatambaian dalam paulaian banyu (siklus air) wan panyadia tatambaian banyu hambar di palanit ngini. Curah hujan rata-rata tahunan dunia adalah 990 milimeter (39 in). Sistim pangalumpukan iklim kaya sistim pangalumpukan iklim Köppen mamakai curah hujan rata-rata tahunan gasan mambantu malainakan wilayah-wilayah iklim. Antarktika adalah banua pangaringnya di Bumi. Di wilayah lain, hujan suah jua turun lawan kandungan metana, wasi, neon, wan asam sulfur.

Jujuhutan[babak | babak asal mulanya]